بنهج ابو السجاد ياصاح التزم
ومنبره ادروس اخذ منه والعزم
من منابرنه الشريفه كل درس
والنفع من عدها باليد نلتمس
حسين راد العزّه النه بكل نفس
دروسه للحب والتآخي والسماح
ويرفض اليتحدث بعنف السلاح
يريدها اتعيش الطوائف بالسلم
مايريد الفتنه لو واحد زرع
ويرفض الحبل التواصل من گطع
رادنه نعيش بثقافه ابلا بدع
هذا منبر يجمع الكل الفئآت
يبغض الكل تفرقه ونصبح شتات
بالامن كلنه وأمان بهل الحياة
الخير عالوادم سوه اعليهم يعم
المنبر بكل حين ونتابع صداه
يكول مو بس صوم هيه وبس صلاه
اتساعد المحتاج انشد عاليغيب
وصير اله عون واخو مخلص حبيب
خاف عوزه ايمنعه ويراجع طبيب
ومن علاج الحالته ظل منحرم
هيه مو بس بالعباده الله رضه
حق اكو الجارك عليك وفارضه
بوجه كل طالب الحاجه يبتسم
الله ميحب العبوس وكل بخيل
راد باخلاقك مع الوادم جميل
صير محسن كل وكت الله يريد
لليتامه اتفرح بثوب الجديد
الله هوه يوفقك من تمد ايد
يامن اتريد السلامه بهل العمل
بعينه تكبر تصبح بفعلك شهم
هاي كلها من منابرنه التذيع
بذني اعمالك الك منزل رفيع