بسمه تعالى سلام عليكم -- -- -- يايمه علگي شمعتي يايمه -- وحضري بيدچ حنتي يايمه نسوي العرس بالميدان -- هاشم وتحضر عدنان يايمه -- يايمه لو ردتي الفرح -- وبها الفرح ردتي السعد بالطف صبح هذا العرس -- يايمه بالطف هالوعد ابنچ على هام المجد -- يعتلي هاليله استعد واللي ابنها ينتصر -- شتريد منه الام بعد لليوم ذاخرني الحسن -- ونجوم عمري اتراكظن وهدعش عام آنه الحين -- هالعمر فدوه لحسين العمي انصره غايتي يايمه --- اي يبني ادري والنعم -- من الحسن هالمعرفه وصاني ابوك انته طفل -- العمك ترد حگ الوفه شاب وفدائي ابكربله -- تتمثل بهاي الصفه أمر الله هذا هالجره -- وها الامر لا منخالفه لحسين ربيتك ذخر -- باتعابي يبني والصبر العمك ترد حگ ارباه -- وبثورته انته اوياه ياثمر روحي ومهجتي يايمه -- ماريد اشوفچ بالحزن -- ماريد عالخد دمعتچ فرحي ارد حگ الربه -- والله لسرها المهجتچ عن عمي ادفعها الشدد -- بوليدچ بيظه رايتچ يايمه هيه كربله -- اتضحين هيه رادچ الله اليجازي الوالده -- ابتأييده هيه أمأيده بالجنه خصها الرحمن -- عامر گلبها بايمان آمالي هيه ابدنيتي يايمه -- اي يبني جاسم ياكفو -- العين امك الليله تسر هاك الدرع مني اخذ -- والسيف الك يبني ذخر ابهيبة عمامك صولتك -- كرّة علي اعليهم تكرّ والنشمي ساعات الحرب -- ميقدم ادري كل عذر سياف متهاب العده -- ذكر الصميده اتجدده رجّف اگلوب الفرسان -- بالطف تخلد عنوان خليها بيظه رايتي يايمه -- مسروره خلي مهجتچ -- صنديد ابنچ بالحرب وجهج ابيضّه ابصولتي -- الميدان حربي من اطب والعمي افديله العمر -- اجليله همه والكرب آنه ابن عقد الوله -- اعليهم حمم يمّه اصب من حيدره آنه فرع -- لازم اشتت هالجمع والصولتي امن ايشوفون -- مني لوين ايشردون ساعتها ابطش بطشتي يايمه -- امودعچ نازل للحرب -- انطيني سيفي والدرع ما ارضه من عينچ بعد -- يايمه لو هلت دمع وماريد حنّه او لاعرس -- يايمه طفي للشمع ولا ارضه تبقين ابحزن -- بالحرب لمن انصرع ماريد اسمع كل عتب -- هذا الذي اعلينه انكتب مسحيها يمه دمعتچ -- ونطيني بوسه ابغرّتچ وبوسيني انتي ابغرتي يايمه -- سيد عدنان الحمامي