للقاسم ع ---يالضيعت ولد خلها تجي تواسيني
للقاسم ع
.................
المستهل
............
يالضيعت ولد --- خلها تجي تواسيني
ماشوفه بعد --- جاسم ضواها العيني
...........
وين الذي ضيعت ولد --- وين الظناها مذبوح
وين الذي وحيّد لها --- أوحّيد ومن عدها ايروح
خل تجي تواسيني بدمع --- وتداوي گلبي المجروح
ونگعد بلوعات الحزن --- وحده تون وحده تنوح
يوليدي الضمد -- ياهو الذي يباريني
ماشوفه بعد --- جاسم ضواها العيني
..........................
احاه يتعبي يالسهر --- يالقدر مني خذته
شاب وردت افرح اله --- الهذا العمر كبرته
ماعندي بس هوه الي --- شمة هوه ودللته
من يمي جاسم من مشه --- وليدي بعد ماشفته
مو طاح العمد --- يوليدي لتبچيني
ماشوفه بعد --- جاسم ضواها العيني
..............
معذور يمچ ما اظل --- گلي وأقبلي عذري
باس ايدي ابني من مشه --- يحاچيني يمه صبري
العمي ارد حگ الربه --- العمي نذرته العمري
ودم النصر حنه الي --- هالحنه من دم نحري
غالي ونفگد --- بثوب اسود ايخليني
ماشوفه بعد --- جاسم ضواها العيني
..............
يالردتك الشيبي ذخر --- يالگطعت لب احشاء
دمعاتي عاينها دمه --- من عيني نزلت مو ماي
يالضيعت مني العمر --- ومني خذت كل الراي
يبني تعبت بيك شكثر --- يبني سهرت بيك اهواي
ما أنسه أبد --- ياروحي شينسيني
ماشوفه بعد --- جاسم ضواها العيني
........................
أمه وعزيزه الوالده --- ادري وعله حالي يحن
مايرضه دمع امه يهل --- ولايرضه امه تمتحن
يحرمني ليش امن الوسن --- ولايغمض العيني جفن
ولابيّه حيل اعله الصبر --- شيصبر الروحه تون
عگب الضمد --- هالدهر شيراويني
ماشوفه بعد --- جاسم ضواها العيني
...............
لو ادري ماترجع الي --- يوليدي لا ماودعك
هاك اخذ صرخات الحزن --- أمك عليك اتسمعك
تگلك وفيت انته او كفو --- جازيت يبني مرضعك
تخليني ليش اويه الالم --- يالغالي گلبك طاوعك
هذا الوعد --- بدم نحرك اتحنيني
----- سيد عدنان الحمامي -=----
|