في حق زينب ع
بسمه تعالى
=====
المستهل
====
مال وبنين وبالدمه -- نفديچ يابت فاطمه
خدام الچ خلينه – هذا عهدنه البينه
----------- 1
يمّ الحزن -- دمعچ مزن -- منچ جره
كسرچ كسر – ماينجبر -- يمحيره
حملتي الالم -- من چم سهم – ياصابره
صبرتي شكثر – يمّ الصبر -- يمخدره
ذوبت گلبچ كربله -- برميات نبلة حرمله
اوياچ بحزن وبچينه -- هذا عهدنه البينه
---------------- 2
نحور اخوتچ -- من هظمتچ -- ونتي بغرب
رحتي بيسر -- دمعچ يدرّ -- طول الدرب
متون الخدر -- بسوط الشمر -- من تنظرب
اهل الرده -- بخيله العده -- خيامچ يطب
چم نحر شفتي ينذبح -- صارن بگلبچ چم جرح
كل محب هلّت عينه -- هذا عهدنه البينه
-------------- 3
عزّ وفخر -- بيچ افتخر -- اسلامچ
يمّ الصبر --- فدوه العمر – لجدامچ
نوفي الوعد -- انظل عالعهد -- خدامچ
لأم المجد -- نحور ونمد -- جدامچ
نصرتي الحسين بثورته -- صنتيها بيدچ رايته
اخذي العمر وسنينه -- هذا عهدنه البينه
--------------
طف كربله -- ابكل بسمله -- اناديله
بسمچ هتف -- آية شرف -- ترتيله
بفيض الدمه -- بعشره اله -- اموقعيله
من الازل -- مال واهل --- نفديله
يازينب وانتي الاصل -- بالنبي اسمچ متصل
بدرب الطفوف امشينه -- هذا عهدنه البينه
-----------------
سيد عدنان الحمامي
|