عرض مشاركة واحدة
#1  
قديم 07-29-2017, 07:23 PM
مديــر عام
سيد عدنان الحمامي غير متواجد حالياً
Iraq     Male
لوني المفضل Darkgreen
 رقم العضوية : 1
 تاريخ التسجيل : Apr 2011
 فترة الأقامة : 4744 يوم
 أخر زيارة : 03-25-2024 (06:13 PM)
 الإقامة : الكاظمية المقدسة
 المشاركات : 7,694 [ + ]
 التقييم : 10
بيانات اضافيه [ + ]
افتراضي ابوذيات في حق العباس ع



ابوذيات . لسان حال زينب ع --- في حق العباس ع.
.
.
.
فراگ اهلي الاودهم يرعباتي
والي جبريل خادم يرعباتي
چذب من گال واحد يرعباتي
آنه زينب يلوذ الشرف بيه
--
--
على العباس اهل دمعي واكتلاه
تعال الشمر سب اختك وكتلاه
احشم بخوتي لاچن وكتلاه
ضل من اخوتي فزاع اليه
.
.العباس ع
.
.

.
تريد ابچي عليكم دوم املاه
ويمي جم طفل ويريد ام لاه
فگدك للگلب عباس املاه
جروح وچم جرح چتال بيه
.
.
.
.المعصومه ع
.
.
ألأبه عده عجيبه من أباه
وأباهي الناس بيه من اباه
المعصومه عرفته من اباه
اباه موسى ابو چفوف السخيه
.
.
.
.العباس ع
.
.
.
اصيحن آه من جرحي وحسبه
ويراوح بالحزن عمري وحسبه
اللي حسبات يا خويه وحسبه
أگولن راح عباس من اديه
.
من مثلي تعذبت من صباها
ودم يجري دمعها من صباها
يبو فاضل العينك من صباها
انهدم سوري وعدوك شمت بيه
.
اسيره منو غيري بت نبيها
وحسافه بالخرابه بت نبيها
يخويه حسين ماتت بت نبيها
ودفناها المتن ازرگ رقيه.
.
رقيه اسمعت حسرة گلب ياريت
ودمعتها بقهر يحسين ياريت
عيه مجلس يزيد انهجم ياريت
ولابي ماتت ابنيتك رقيه
.
صحت والصوت من صيحي بحيلاي
اريد اشكي والك همي بحيلاي
يعباس اثر افراگک بحيلاي
وجفن عيني عليك ايسيل ميه
.
عله العباس اهل دمعي وكتلا
تعال الشمر سب اختك وكتلا
احشم بخوتي لاچن وكتلا
ظل امن اخوتي فزاع اليه
.
عيني اعله الضعن لو لسمايه
ردت طارش يجيني لسمايه
الفرات شلون باقي لسمايه
وظلن بالعطش سكنه ورقيه .
.
يعبد الله الشمر لمك سبلها
وفگدك مارحم بيها سبلها
ايدك من متت ياهو سبلها
وياهو اللي شلع سهم المنيه
.
ذخر للشيب كلمن راد يبني
وزماني للحزن والتوح يبني
طفوها الشمعتك جسام يبني
وبعد ماشوف دربي شلون بيه .
.
سيد عدنان الحمامي



 توقيع : سيد عدنان الحمامي


رد مع اقتباس