بسمه تعالى
-- ------------ لطم
--
المستهل
لو بالعلم ملفوف جابوني
زفة القاسم يمّه زفوني
ماريد حزن ودمع -- حنه اريد وشمع
زفة القاسم يمه زفوني
------
يمه بالقاسم وعمره محلفچ وشمعة شبابه
حزن ماريدن عليه والعزه نصبي المصابه
عالراح من عدها ظنه --- اسود البسي كل سنه
ماريد لبنچ يمّه تبچيله --- ولادمعچ ايبللها للشيله
ولا گلبچ الينفجع --- حنه اريد وشمع
----------------
يمه لو زفه سمعتي والهلاهل كثره بيها
ذكري عريس الهواشم هلهلي يايمه ليها
لوطيفي بعيونچ يمر --- روضي گلبچ عالصبر
نامي قريرة عين مرتاحه --- وبخير يومچ يطر مصباحه
لاينحنيلچ ضلع --- حنه اريد وشمع
--------------
للوطن دمي ذخرته وللجهاد ابنچ يلبي
للفرح فاتحتي رايد يمه جرداغ وانصبي
اتهنيچ نسوان الطرف --- ابنچ يضحي وبشرف
تابوتي لوشفتي اجه الداري --- ايهلهلن خلي اوياچ اهل جاري
تعرفين ابنچ سبع --- حنه اريد وشمع --
---------------
بيچ اعرف هالحنان وغالي عندچ ادري يمه
ذكري الحسين ورضيعه المنذبح بالنبل يمه
والرايه الها اعله النهر --- من گطعوا اچفوف الگمر
يم نعشي من تحظر هلي وناسي --- قرآن يمه اقري يم راسي
وآنه الچ استمع --- حنه اريد وشمع
---------------
اويه الشباب بهل المهمه عدنه افكار العقيده
بينه كل واحد فدائي للوطن يفدي وريده
من كربله عدنه درس--- منه الشجاعه نلتمس
غير الوطن يايمه ماعدنه ---- نضحيله بالدم هوه رايدنه
شرياني خل ينگطع --- حنه اريد وشمع
-------
ياوطن ارض الحسين وبالحسين ايصير نصره
وبيك كل واحد يخونك ابد ولله مانعذره
مانرضه گاعك تنغصب --- طوفان كل احنه نهب
يمه الحسين اتشاهده اعيوني --- والزهره يمه او علي حضروني
خل صدرچ اليتسع --- حنه اريد وشمع
---
سيد عدنان الحمامي
|