عباله الليالي السود كسرني
______________________________

عباس طريم / اريزونا
__
عباله الليالي السود كسرني
لبس ثوب الشماته
وكاعد ايغني
+
اجاني ابوجه ,جنه ايكول حيل اوياك
واحجايات ذبهن, حيل
اذني
+
اجاني ومثل , شيطان الرجيم اتكول
بوجه اصفر , اوجنه اغراب
كابلني
+
صاحب, وانكلب من شاف ظهري انصاب
اصيحن ها يخوتي
ينتظر مني
+
حسيت ابوكتهه , ابصحبة الغمان
من شاف المصايب
حيل ضكني
+
لبس ثوب الكباحه, واجه وي الشمات
وراد ابهاي جيته , صاحبي
ايذلني
+
ورساله رادهه , ابهذه الظرف والضيج
عله افراشي , ابحضور الناس
توصلني
+
يتمنه انحنيله , وعركتي البالراس
اذبهه احذاه ,واكله ادخيل
خلصني
+
عباله اشتكيله , من الجرح وانهار
وون امن المصاب , وينسمع
وني
+
ما يدريني متعود , عله الطكات
وافلام التلاعب بالزلم
فني
+
واعصابي ابثلج بالشمس متجمدات
والساني ابيميني وما فلت
مني
+
ومن ينفش عدوي ابريشه, بالغمات
اضحكله واكله : يالاغم
ثني
+
انصح وي صديجي , وحته لو خوان
هذه الطبع ثابت , من
صغر سني
+
اني ابن الكرم , والصبر لجل الضيف
افرشنه , وينام اعليه
متهني
+
يظل الضيف ضيف , شما تعده وداس
ما دامه العتبتي , اعنايه
متعني
+
واظل خادم , واقدمله العسل كل يوم
ومن يخلص.. اقدم ذني
وذني
+
واتغاضه امن اشوف السم , حدر يمناه
يدفع بيه بيده , الحدي
ويدني
+
اسمعنه يوشوش , بذن هذه وذاك
وعد عيناك , اكله افلان
امرني
+

ما يفلت زمامي , وحبلي امده اوياه
واظل ويه النذل , صابر
ومتأني
+
يسألني اعله حالي, وشنهي صار اوياي
وهو يدري الجرالي , وعمده
يسألني
+
ايريد الناس تعرف مني, شنهي الصار
وعله ضوء السمع , ترجع
تعاملني
+


هملته واعرف ابصدره , تفور النار
وبناره يريد الاغم
يحركني
+
ضايفني , وجن داخل حرب وياي
ويدريني حزين , اوجاي
متحني
+
جنه مندحر من حربه بالميدان
وانه الداحره ابنص الحرب
جني
+
يظل البخت عالي , وبيته ما ينطال
شما يهدم الباطل , يرجع
ويبني
+
ويظل الخبيث , ايباعد الخوان
والطيب يظل بالوادم
ايدني
+
ويبقه اسم الشهم , خيال للزينات
يمد ايده , كبل لتكله
عاوني
+
ويظل الردي , من اتكله كوم اوياي
ما يخجل ابد , من جلمة
الخلني
+
ظنيته وفي , ويذكر عشرتي اوياه
طلع ماهو اصيل ,وخاب
بي ظني
+
عباس طريم