بسم الله الرحمن الرحيم

له الحمد عليه نتوكل وبه نستعين

وصلى الله على محمد واله الطيبين الطاهرين

0

0000000000000

00000000000000000000

0000000000000000000

0

- اه يا وطن -

0

لا عقول انشوف عد هاي الرجال

چنه ذاك العقل سافر وارتحل

والوطن مكسور خاطر ظل جريح

او ظل غريب الدار چن ماله اهل

ايصيح حيهم وين لي ضمد الجراح

ارباي وينه ضاع لو باقي امل

وين البحضني تغذا امن الحنان

والشرب من مايي او خبزي اكل

يا حسافة ذاك باعاني ابرخيص

او مو نقد كان السعر باع اباجل

واللي كان ايصيح ابشر يا عراق

دار وجهه اونسه او بالكرسي ختل

او ذاك صاير عبد والمحتل امير

لا بخت ظل عنده او حظه انغسل

او كثرة النواب بس ابلا عقول

والرعية ضاعت او ساد الجهل

او كلمن ايقول انه ريس عالعراق

وانه مثل الميت اعللمغتسل

اشهلمصيبة الصارت ابارض الحرار

اشهلفضيحة او هالمعرة او هالفشل

كثرن اعليه السچاچين اليطيح

او كثرن اعليه المعاويل الجبل

000

يا وطن امسح دمعتك يا وطن

تاج عالراس انت تبقى او للكرامة انت محل

خل يخون اللي يخونك ياعراق

او خلهه تفرح بالغدر اهل الدجل

بالنصر موعود ابشر يا عراق

اومن بعد هذا اللسع تشرب عسل

انت اية يا عراق امن الجليل

دم علي الكرار بترابك نزل

او من فنائك ينعلن ثار الطفوف

لان بيك احسين عطشان انقتل

وانت مركز للعدل با چر تصير

وحق زينب والسبي او دم الطفل

او تربتك كلهه وفة او كلهه عطاء

لان بيهه ا چفوف عباس البطل

ايحبك الله او ما هو صدفة الصار بيك

الله قدر يبتليك امن الازل

سنه هاي الحبه الله يبتليه

او كذب خاب الحبه الله وانخذل

ابعين الله خلي عينك يا وطن

ما بقى الا القليل والفرج يومه وصل

واندب او صيح او تنخه بالامام 0عج 0

الغوث يا مولاي يالمهدي العجل

الغوث يا مولاي يالمهدي العجل

0000000000

0000000000

000000000000

مع احترامي وتقديري للبعض

فانها لاتخلو من الشرفاء انشاء الله

0

اللهم عجل لوليك الفرج والنصر