ياعمر شمالك تروكض بالعجل
وياسنين العمر مو راح الامل
بس بفت ايام ويوصلنه الاجل
نترك الدنيا من يودعوني الاهل
مابقى من الناس ودفاني رحل
يطلع عليه اليحاسب بالعمل
شايل الدفترويذكرني بالحصل
شرد اكله شلون ماعندي عقل
حتى جفن البيً مكتوبة بجمل
لمن وصلني متروب انا بالوحل
هذا فعلك وكل ذنوبك بالساعة تصل
ماعملت بدنيتك بس صول وتجول
ماحسبت اليوم واعمالي تظل
هم حسبت الدنيا تبقى للازل
وما حسبت اليوم من اني اظل
شرد ارد عليه وكتالني الخجل
مستحي من الرب وشلون البدل
هيً جذبه عليه واكظيه بعجل
لولاعب لعاب وامرره بحيل
ياابن ادم غير ربك لاتجل
بالعبادة واصله وعنها لاتكل
ولاتحسب حساب ماخذني العمل
بالرزق شايف عباده وبالاجل
هذا ربي واني اعبده حتى ساعات الكهل
ياالهي وبرحمتك زيل عن الناس الكسل
واغفرنه وانت قادروغير قدرك مايصل
وارحم الناس الضعيفة وانت راحم للاجل
ياالله ياالله ياالله ياذو الجلال والاجلال