هل اهلالك -- يمهدي -- ميلاد الحجه عج
بسمه تعالى
سلام عليكم
----
-----
هل اهلالك --- يمهدي
===
اهلال خير الامه كلها بعازته
اهلال عزّه وشرف الها رادته
والفرج من عنده هيه اتمنته
لابد الغايب يفرّح امته
عله اعيالك يمهدي
هل اهلالك يمهدي
------
اهلال منتظريه للغايب يهل
بمسجد السهله بمهر عدله يحل
شمصعب اغيابه علينه مو سهل
لابد امن الغربه مهدينه يمل
ياوصالك يمهدي
هل اهلالك يمهدي
----------
فرح عدنه والفرح ماينوصف
كاس حبه اليله كلنه نرتشف
ويظل شلال المحبه مايجف
هوه حبنه الاولي هوه الولف
يادلالك يمهدي
هل اهلالك يمهدي
-----
نريد من صبرك يغايبنه صبر
لشوكت يايوم نبقه ننتظر
لابد الصبح العداله ايطر فجر
وتسرج الثارك يغايبنه المهر
اترد حلالك يمهدي
هل اهلالك يمهدي
--------
امن العلامات اشكثر شفنه مظن
وراحن اسنين الصبرناهن واجن
حشا ثاراتك يمهدينه أنّسن
خيول صبرك يمته والصبرك جزن
وبنظالك يمهدي
هل اهلالك يمهدي
------------
ذكرك بدمنه ويغذي للجسد
رغم طول الغيبه نتنطر بعد
نظل كلنه اوياك ونجدد عهد
لابد الباري يحل يوم الوعد
ياجمالك يمهدي
هل اهلالك يمهدي
----------
سيد عدنان الحمامي
|