بسمه تعالى

..... ولادة العباس ع ....

--

--

--

المستهل
===

عباس حره الجابتك -- يبو فاضل

غيره وشهامه رضعتك -- يبو فاضل

عباس ياعاباس ياعباس

---

عباس يامن للوفه مصباحه -- رايته من جبريل هيه اجناحه

سياف وتهابه الزلم بالساحه -- ميثني ضربه للخصم يو لاحه

يالمامثلها غيرتك -- يبو فاضل

غيره وشهامه رضعتك -- يبو فاضل

عباس ياعباس ياعباس

----

ام البنين الرضعتك وفاّيه -- من علي ذخرتها الك هالرايه

تسمعها لو رفّت ترتل آيه -- بالنصر جم غزوه الذي امحنايه

نصرة محمد رايتك -- يبو فاضل

غيره وشهامه رضعتك -- يبو فاضل

عباس ياعباس ياعباس

---

فرسان ماتصمد تفر من يمك -- سبعين الف خيال لا ماهمك

للماي انته من اشتريته بدمك -- وعالناس كلها اتفاخرت بيك امك

النصرة اعضيدك ربتك -- يبو فاضل

غيره وشهامه رضعتك -- يبو فاضل

عباي ياعباس ياعباس

--

شافوك بالساحه يطود الايمان -- مثل النسر لمن هجم عالغربان

صاحوا علي هذا الدحاها البيبان -- للموت بيهم ينعكد كل السان

تقبض ارواح ابيمنتك -- يبو فاضل

غيره وشهامه رضعتك -- يبو فضل

عباس ياعباس ياعباس

---

بيدك رمح للطعن مثل الزلزال -- لو شافه خوف ايموت منه الخيال

والسيف يحصد روس بيهم لو مال -- والمثل بيك الهل الوكت ظل ينكال

والموت يحدي بصولتك -- غيره وشهامه رضعتك

عباس ياعباس ياعباس

----

وين الوفي مثلك يبو فاضل وين -- اشسويت يوم اللي عطش قلب حسين

تكطع امن ازنودك لخوك الجفين -- ونطيته عينك كتله تفديك العين

وباسك حسين بغرّتك -- يبو فاضل

غيره وشهامه رضعتك -- يبو فاضل

---
سيد عدنان الحمامي