بسمه تعالى

سلام عليكم

الحمد لله الذي جعلنا واياكم من الموالين لامير المؤمنين علي بن ابي طالب ع

--
--

--

المستهل
--

حياتي وياضوه العين -- الك عمري بو حسين

علي علي علي ياعلي

--

ينسمه وبيها احييى من أشمك -- اروحن فدوه لتراب اليظمك

علي اكظي العمر اتمنى يمك -- اخذ عمري وحياتي ولا يهمك

الك ناذرها اللسنين -- الك عمري يبو حسين

-----

علي انته الامل ونته الرجيه -- عشكتك والعشك مجنون بيه

يالاسمك حرز من البليه -- يالحبك نجاة النه وهويه

مثلك يلتكه وين -- الك عمري يبو حسين

--

علي نورك يظل للابد وضاح -- علي يالمايهمك طعن الرماح

علي يالبيك هم المصطفى انزاح -- علي يابلسم انته الكل الجراح

نصرته ابروحك الدين -- الك عمري يبو حسين

--

علي العالي اعله كل واحد تعلّه -- علي سيفه غضب لمن يسله

علي للحق ابد لا مايمله -- وكل مشكل علي هوه يحله

علي للمصطفى ايعين -- الك عمري يبو حسين

---

حنين وعالريه دوم حنك -- ياناصر الدين بزغر سنك

علي ابسوح الوغى ايعرفون عنك -- لو فارس يشوفك شرد منك

الاجل لو شافك ايحين -- الك عمري يبو حسين

--

يالبيك الكفر صرحه تهدم -- بعلوم المنايا انته تعلم

علي بيك التمسك ولله يسلم -- علي اخذ العهد من عدنه بالدم

عهدنه ابدمه اموقعين -- الك عمري يبو حسين

--

علي يالمامثيلك ابد ماصار -- من غيرك قسيم الجنه والنار

يحماي الحمه يالتحمي للجار -- شفيع انته يحيدر تروي الاخبار

يشافع للمحبين -- الك عمري بو حسين
--
سيد عدنان الحمامي