للأمام جعفر الصادق.. ع...
.
.ابوذيات استشهاد الامام جعفر الصادق
.
.
دموع احزان هالليله اجرها
وصفت حسره بثر حسره اجرها
بفكد الصادق الشيعه اجرها
عله الزهره وعلي حامي الحميه

....
..
شعجب گلب الزمان اعليك لاحن
وسهام الحزن للروح لاحن
عله الصادق دموع الحزن* لاحن
ونصبت مأتم احزان الزجيه..

....
...

تعيل الدنيه لو داور سكنها
والي ونه ولا واحد سكنها
موالي وبالغرب روحه* سكنها
وعله الصادق عزاي بهل المسيه
.
.
... نعي....
.
. استشهاد الامام جعفر الصادق ع
.

نعي لوفاة الامام جعفر الصادق
.

الصادق شعنده جنايه وگطعّ السم چبدته

الليله فاطمة الزجيه بالحزن وي شيعته

--
اليله حزنانه وتنوح الزهره ذكرت للحسن
شلون من جبده تكطع من عكب ذيج المحن
اليله عالصادق دمعها كام يجري عالوجن
مثل ابنها الحسن بالسم جعده لمن سمته
....
عالحسن نصبت عزاها وعزه عالصادق سوه
وعالظلع تلطم بديها وللظلع ماصح دوه
تصيح عالصادق اليله گلبي لمصابه انچوه
و ذکرت ابني الحسين الخيل لمن سحكته
...
عظم الله الأجر نوحچ ناحت املاك السمه
بكربله عندچ ضحايا سابحه بفيض الدمه
بسيف لو بالسم بنينچ گظوا كلهم فاطمه
والاشد چبد الحسين مثلثه لمن صابته
....

ينشد الليله ابمراره بدمع سچاب المحب

ليش وشعنده جنايه الصادق شعنده ذنب

بين آلام أومراره وينحرم عيش العذب

أنمدت أچفوف الخيانه تالي بالسم غدرته

--

ناس لاذمه وضمير وعدها معدومه الذمم

مارعوا حرمه المحمد عدها هالكرسي الاهم

حاربوا بالسم عترته بين بالسيف انعدم

هيه من يوم السقيفه حق محمد غصبته

--

غصبت الحق من محمد يوم نكروا فاطمه

حرگوا الباب ابحطبهم والصدر يجري دمه

وضيعوا اتعاب الصميده ونعزل حامي الحمه

والنبي امنصبه عليهم هالامر هم نكرته

--

نكروا العتره او فضلهم مارعوا بيهم احد

والكتاب اموصي بيهم والنبي اموصي بعد

رحمه همُه للبريه وحگ من هوه انعبد

شكثر چم آيه فضلهم بالكتاب الذكرته

--

هُمه الاقمار المنيره والنجوم الساطعه

هل اتى وبنبأ عمه أنذكروا او بالواقعه

العلم كله وسر نبينه الهادي عدهم ودعه

وبني العباس الشملهم بالوسيعه اتشتته

--

بين من سم اليسمه بسيف بيهم ينذبح

اچبود من واحد الواحد بالخيانه ينجرح

بني العباس و أميه شوهوا الدين السمح

ياچبد من الايمه بالحقد ماسمته

--

نعلن الليله حزنه انعزي بيه سيد المله

نبچي عالصادق نودعه والعزه ننصب اله

جددت بينه المصيبه كل مصايب كربله

يوم من ظل الحسين وراس ماكو بجثته

--

سيد عدنان الحمامي