....
المستهل
...
شافعه بحشرنه – فاطمه ذخرنه
أعلن الولائك – أهتف بندائك
فاطمه ذخرنه
....
فاطمه فاز التمسك بيها
صك شفاعتنه غدا بيديها
الله اعظم منزله منطيها
آسيه او مريم متوصل ليها
للنبي الوديعه – بالحشر شفيعه
ألها أنتمائك – اعلن بندائك
فاطمه ذخرنه
.....
أخذ من قول النبي معلومه
بفاطمه شيعة علي مرحومه
أوياها من نار الحشر مفطومه
واليضحي ابحبها لا لتلومه
عالنبي صلاتك – بفاطمه نجاتك
يندفع بلائك – اهتف بندائك
فاطمه ذخرنه
......
هوه الله شافعه خلاها
تحظر الكل محب لو ناداها
ومايطب الجنه من عاداها
والف لعنه عالذي آذاها
تحظر ابمماتك – فاطمه نجاتك
حبها في دمائك – اهتف بندائك
فاطمه ذخرنه
.....
الفاطمه حبنه جزه مقياسه
سيدة هذا الوجود وناسه
الكل موالي هيه تاج الراسه
وبولاية علي ثابت ساسه
عالعهد بالدمه – نوقع الفاطمه
لليضد عدائك – اهتف ابندائك
فاطمه ذخرنه
....
شوف تسبيحة الزهره بكل زمان
من تسبحها تحس انته بامان
گلبك يردد أسمها اويه اللسان
هذا مجلسها الك باچر ظمان
تلطم بچفوفك – فاطمه تشوفك
بحبها رف لوائك – أهتف بندائك
فاطمه ذخرنه
.....
واللطم صدره حرز هذا اله
صدره كل لطمه يسجل بسمله
فاطمه اتذكره بلوعة كربله
وزينب بذيچ الدموع الهامله
وبجزع صرختك – فاطمه سمعتك
تلطم بعزائك – اهتف بندائك
فاطمه ذخرنه
......
سيد عدنان الحمامي