أجه عاشور وأشو ماجيتوا ... وين يحباب
حسره ليش بكل گلب خليتوا – وين يحباب
بهل العزه كل غالي --- مچانهم ظل خالي
وين يحباب الگلب – عيونه اتظل عالدرب – ليش غياب
چنه من نلطم سوه – انتو شمعات الضوه – ولله يحباب
أگضيتوا ويانه عُمر – وأحنه بثياب الصبر – نحيي المصاب
اليوم أجينه وبعد ماشفناكم
صور هاي اگبالي – امچانهم ظل خالي
أعليكم الموكب نشد – ونتو ماجيتوا بعد – أي يخدام
بحزن ظلينه وعتب – غبتوا يحباب اشسبب – وبينه آلام
وسف كل شاب اختفه – وبگبر وحده صفه – وبلحد نام
احنه متعلمين انتوا أويانه
كل وجه يبرالي – أمچانهم ظل خالي
وين ايام المظن – وبعزه أم الحسن – كلكم اهنا
الجاسم اعلگتوا الشمع – وبصوانيكم دمع – لامننساه
بزفته ظلت صور – ماتغيب امن النظر – بزفته أوياه
بصوت زفه وعالي – أمچانهم ظل خالي
بالخدامه الكم أثر – باقي والطول الدهر .. بموكب حسين
شرف مامثله شرف – نلتوا بي اعله الغرف – وحورها العين
كل سنه ايظل الذكر – أبد لا مايندثر.. أي يطيبين
نشوفكم بالعزه أويه اللطامه
ويوم عاشر من ضربتوا بقامه
ودمكم أمن ايلالي – أمچانهم ظل خالي
چفن كل واحد اله – على طوله ايفصله – ونحد قامات
نطبر بوكت الفجر – لمن بحزنه يطر – على الهامات
اليوم كل واحد عدل – ويانه عايش بالفعل – عدل مامات
كل شهيد المنكم اعيونه تشوف
روحه فوگ الموكب اويانه تطوف
بالخلد للتالي --- مچانهم ظل خالي
حسين يحظر للمحب – يروح مغفور الذنب – يسر عينه
وفاطمه الزهره بعد – مسجله اسمه عالوعد – تنادي وينه
الها من ألله الامر – تشفع بيوم الحشر – ذخر لينه
وبيد رضوان اليحبها اتسلمه
وكل حبيب ا ووالي -- -- مچانهم ظل خالي