للكاظم ع
--
-
المستهل
--
وين العشيره عالجسر لو تلتم
اتشيع الذي ذابت چبدته بالسم
--
ليله ابرجب ليله بحزن من هلها
ودموم دمعات المحب من هلها
اجنازه وعليها اتناشدوا من هلها
عنه شعجب وين اخوته او ولد العم
---
الدنيه ثغرها بالحزن بسماها
وكل الملايك هالعزه بسماها
الكاظم تذوبت چبدته بسماها
وچبد الرسول الهل المصيبه أتالم
----
يادنيه جمره وللحزن وجريها
وياعين هلي دمعتچ وجريها
بجدامي اركض للجسر وجريها
والنعش ابن جعفر دمعتي من دم
----
عترة محمد كل نذل عادلها
اويه انفوسهم نفس النبي عادلها
الكاظم لأمته بالعلم عادلها
خلي الزمان بهل الفضل يتكلم
---
موسى الخلايق يكتسب وداها
عنده امانه ابرگبته وداها
عالجسر تاي اجنازته وداها
هارون لاذمه وأبد مايرحم
----
للغدر شلهت ياوسف ساعدها
روحك يبن جعفر منو ساعدها
چم سنه بسجون الظلم ساعدها
خمسطعش عام انته بسجنها الاظلم
---
ايحرفون دين الله ابد ماردها
طاغي وعلى الكاظم طغه ماردها
وسجانه بالسم مهجته ماردها
من شدة السم چبدته تتخذم
----
سيد عدنان الحمامي