حيدر ياامام..رمزا للسلام
الصلاة اعل النبي..تنذكر بيها
&&&
الصلاة ابغير اسمك ماتصير بحلكي هيه..لن عجيبه
انت ياب الهدايه الشفه عندك اليه..مو غريبه
انت رب العز رادك نصبك انته وليه.. انته حبيبه
من دعه يونس لربه وحفله بااسمك سجيه..ان تجيبه
حيدرنه الامير..يطعم كل فقير
يطعم الجائع علي ومن اعتذر يوم يعطيها
&&&
لو سئل سائل يطلبه يريد من عنده عطيه..ما جهلها
كل مصيبه اتهون بيده حتى لو اكبر قضيه..عنده حلها
كل فقير وعنده حاجه وحاجته بيه شكيه..بيده حملها
مايهاب الكون كله وشهد لن طعم المنيه..هوه كلها
ميخاف المصير.. ولا نار السعير
حيدر باايده يطفي نار لو شبت عليها
&&&
حيدر البيه الهدايه ومنهجه دربي وامامي..وانه اطيعه
اتبع نهج الولايه والهج بااسمه كلامي..شلون ابيعه
بالكلب عايش بروحي بيه تتحق احلامي..روحي الصريعه
ينذكر بالشده عدنه وهوه منهج للسلامي..حيدر شفيعه
صدك مااحير..بيهم استجير
علي بالشده اندبه لشيعته يحضر يجيها
&&&
حيدر الثبت اركانه دينه الله وبكيانه.. بكل علومه
حارب الطغيان كله واصبح الدين باامانه..تزهي نجومه
حيدر الوحد الامه وصارت الوحده بزمانه..كله ترومه
نصبه الباري خليفه وانطلق علمه بعنانه..تحترمه خصومه
ما الهم نظير..بالحكمه يسير
علي ياباب النجاة الكل ترتجيها
&&&
علي ياقران ناطق للبشر اهل الشرف..لللامم
علي شمس الله الجبيره نوره بيه انوصف..هوه علم
وحد الاسلام هديه اسد الله انعرف..بل قيم
حطم اركان الرذيله وبيهم بصوته هتف..للصنم
للشيعه نصير..من نار الهجير
علي باب التوبه النه من يعتنيها
&&&
خادم اهل البيت
ابو علي السعيدي