سؤال سؤال..ارد اسئلك وشيخطر ابالي
سؤال سؤال..لحسين شنطه ربك العالي
&&&
جم سؤال وجم كلام انته اسئلتني
من شفت دمعي نزل انت فهمتني
اسمعت انه كلامك وبكلامك جرحتني
اشكثر بسهام حجيك لو عتني
جواب جواب..هاي الصور شاهد عل حالي
سؤال سؤال.. لحسين شنطه ربك العالي
&&&
روح زور حسين واكصد كربله
ادخل ويم الضريحه بصوت هادي رتله
اطلب بنيه مخلصه ولو تكون المعضله
تحت كبته يستجاب كلشي انته تسئله
دعاء دعاء..بالكلب اندب صيح يالوالي
سؤال سؤال..لحسين شنطه ربك العالي
&&&
يالتزور حسين خويه ابقى عل وعدك
بايعه انته بدموعك تصون عهدك
قدم ادموعك هديه وكلشي عندك
اذكره بماي السبيل وخلي جهدك
وفاء وفاء.. اعقد النيه بكلبك الخالي
سؤال سؤال..لحسين شنطه ربك العالي
&&&
لو دخلت الكبه كاصد من تجيها
عاين الزوار تطلب من بجيها
تصيح يارب العرش وزينب سبيها
خلص انت المعضله الكاصد عليها
محال محال..حتما تحصل طلبتك غالي
سؤال سؤال..لحسين شنطه ربك العالي
&&&
حسين يا باب الشفاعه اوسع سفنها
الرسول البلغ وكال النه عنها
تربته بيها الشفاء وخذت منها
جفوف ابو فاضل مدينتكم حمنها
رجال رجال..ضحت نفسها وهيه متبالي
سؤال سؤال..لحسين شنطه ربك العالي
&&&
اليزور حسين مؤمن أيعرف وضعه
كاصده وهموم عنده وتجري دمعه
يتبع نهج الايمه يصون شرعه
حسين يعرف كل موالي خدم ربعه
ظلال ظلال..بحسين عمري وفيه اظلالي
سؤال سؤال..لحسين شنطه ربك العالي
&&&
الجره لحسين تعرف من مصيبه
هزت اركان السماء واسمع نحيبه
نادت الاملاك تبجي وبيها ريبه
ودع اليوم الباري حبيب ويا حبيبه
دموع دموع..نزلت ادموع الملك نص الليالي
سؤال سؤال..لحسين شنطه ربك العالي
&&&
خادم اهل البيت
ابو علي السعيدي