بسمه تعالى

استشهاد الحسن ع -- نزله

--

........................
لوفاة الحسن ع --

...................
المستهل
.........
تودعيه - تودعيه -- لبو محمد تودعيه
........

زينب شافته -- لطمت عالوجه – نادت يالحسن – شبيها چبدتك

هاك اخذ العمر – روحي هاي الك – ياهيبة هلي – تسلم لأخوتك

تناديه – تناديه – اخذ عمري تناديه

...............

لمن عاينت --- دمعتها جرت --- لنها بالطشت – نزفت مهجته

خويه يالحسن – من بعد المحن --- للسم اجرعت -- تبچي وكلمته

تواسيه – تواسيه -- بچت يمه وتواسيه

............

گطعت چبدته -- جعده سمته – بچفوف الغدر – منهن ماسلم

لوعات شكثر – كابد والصبر – وتحمل اذى -- وتحمل ألم

تحاچيه – تحاچيه – سبل ايده وتحاچيه

...................

عالخد دمعته --- عينه لخوته – يفارگهم بچه – ليهم چن يحن

حسين ويه الگمر – نظروه للاخو – بدموع التهل – وآهات الحزن

بواچيه – بواچيه – حسين اعليه بواچيه

....................

للقاسم نظر – من يمه حظر – درعه وصارمه – بيده سلمه

گله بكربله -- لو يومك صبح – وصارت زفتك – تتحنه بدمه

يحن ليه – يحن ليه – عله وليده يحن ليه

,...............................

وصاه للبدر – بزينب والخدر – هيه بشيمته – گله بكربله

لو سار الضعن – خويه بالحرم -- انت ياشهم – تتكفل اله

همه ليه -- حمه ليه --- ضعن زينب حمه ليه

------- سيد عدنان الحمامي
................................