.. في حب الوطن 2

..................

المستهل

..................

عراقك ياعلي هذا وعراق حسين

وعزم عباس بينه لا ابد ميلين

وحگ الينعبد ... كل احنه الحشد

..............
عراق الانبياء أحنه الذي نحميه

من عدنه شيريد ارواحنه ننطيه

عله هام الكرامه انرفعه ونعليه

تاج اعله الثريه شامخ امخليه

مهما ايكون النه هالوطن جنه ... نضحيله وابد مانعتذر منه

نخلصله ونجد --- كل احنه الحشد

..........................

هذا احساسنه عدنه الوطن خيمه

العاش ابلا وطن ضاع بوسط هيمه

غربه وللفراك وحاير بظيمه

ياربي عراق المرتضى ديمه

خل نعلن بعد ماينسكت عنه --- احنه الاغلبيه والحكم النه

رغم اللي يضد --- كل احنه الحشد

................

كلها اتآمرت والموصل انباعت

والنوب الرمادي امن ايدهم ضاعت

راح الخير منها وناسها جاعت

وبنار الهزيمه ارجالها التاعت

منصات الرذيله علنوا اعليها --- شيوخ العار غير العار مابيها

وشوف اهل المجد --- كل احنه الحشد

..................

جرايمهم ابد ماتنسي وتروح

وريحه للتآمر من گصصها اتفوح

علنوا گالوا البغداد كون نروح

لچن بيد الحشد هذا الحلم مذبوح

جريمه اسبايكر عار ويظل بيهم --- ياسيف العداله انزل اعليهم

للشفره نحد --- كل احنه الحشد

.....................

احنه الوطن عدنه للصلاه محراب

وهمه باعوا النسوان للاجناب

ومنهم كل حرامي ومنهم السلاب

بس خاب اليحارب معتقدنه خاب

يظل اعله المنابر حيدر انذكره --- عرضه ينهتك كل واحد اينكره

عله الله نعتمد --- كل احنه الحشد

.........................

واحدنه العلي اصبح اله قنبر

وبساحة جهاده للوطن كبّر

كل شبر بوطنه كون يتحرر

عله الله نعتمد والمصطفى وحيدر

احرار الحسين ايريدنه احرار --- والخانوا وطنه يبقه بيهم عار

حسيني كل فرد --- كل احنه الحشد




سيد عدنان الحمامي
..........................