حيدر الكرّار)

الطويل

(مفاعيلن مفاعيلن** مفاعيلن مفاعيلن)
----------
هلي يهل العلم والنور *** هلي ياراية الشجعان
والكم بالكرم مشهور *** والكم بالعرش ديوان
----------
يهلي وحيدر الكرّار *** الكم بالكرم ديوان
والكم بالكمر موجود *** مثل نور الثريه جان
وامكم فاطمه الزهره *** الوالد قالع البيبان
وبيكم حاجج الجبّار *** اهل الارض والاكوان
والكم بالذكر مشهور *** تشهد سورة الرحمان
----------
يهلي الزمن خلّاكم *** نور ابكل انجم واقمار
من صوركم الجبّار *** مثل العرش والانوار
والكم بالسمه مكتوب *** سيف القائد الجبار
والكم بالكمر مشهود *** كل صبح ومسه ينزار
غريبه والدمع منثور *** والكم ناحت الاوطان
----------
جمعكم من سره باليل *** ضاكت ياهلي الوسعه
واحس روحي تناديني *** روحي اويه الاهل دمعه
لسيل الدمع ليل انهار *** وخلّي اروحتي تسعه
عليله والدمع سجّاب *** مثل لسع الجمر لسعه
حزينه وخاطري مكسور *** وخلّي اعله الوجن تربان
----------
يهلي العمر وياكم *** نور ابكل وكت ينشاف
والكم بالنجف معروف *** حيد ابكل وكت ينضاف
مثل نور النبي هوّه *** رافع راية الانصاف
والكم بالعدل ميزان *** والكم بالعرش الطاف
والكم بالغري منصور *** والكم لطمت الاكوان
----------
لنوحن والدموع اتسيل *** والطم والكلب لهفان
وحيده والزمن غدّار *** وانظر والمهد حزنان
كلبي والرضيع اشلون *** ماعنده لبن عطشان
دمعي ما اظنّه ايهيد *** واهلي ابديرة الاحزان
طفلي ابياذنب منحور *** وامست غايبه الوليان
----------
خادم اهل البيت(ع)
عبدالله العتابي