لولادة سيدتي فاطمه المعصومه ع اقول
(284)
اليوم نذكر فاطمه المعصومه..خلي تفرح شيعتي المظلومه
************
خلي تفرح شيعتي ويعله النداء
هاي بت الطاهره والاولياء
اليوم من نفرح فرحانه السماء
من سمانه خل تروح غيومه
***********
اليوم خل نفرح ونهني الامام
خل ترف رايتنه بيضه للامام
بجنح فراشه لو طير الحمام
ريت هذا الفرح ربي يدومه
*********
خلي من نفرح ونفرح الوطن
اهواي كثرت سيد بينه المحن
زادت اهمومه وعلينه اجالبن
ليش حزنه هل الوطن من يومه
***********
خلي نفرح لو قليل بها الوكت
الزمن والناس بينه هل تعت
شوف حتى الناصبي ظل مشتمت
ليش هالديره فرح محرومه
**********
الديره محرومه وكل شيعت علي
وهجروه الناس من ديرت هلي
ندري بالتاريخ معروف الولي
حيدر الكرار سبع الحومه
********
حيدر الكرار هوه وعيلته
تعله فوك الهام ظلت رايته
احنه هذا اليوم تحت ولايته
انريد فرحه عالوجه مرسومه
**********
خادم اهل البيت
ابو علي السعيدي