الى كل الدواعش واذنابهم اقول
(229)

الماكدرنه يغص بينه..خل يتحذر لو هبينه
**************

خل يتحذر من ديرتنه.. اليوم ونعلن صولتنه
خل يسمع بااذنه جلمتنه..للظالم احنه اتحدينه
**************

اتحدينه بهمه الارهاب..ونحارب احنه الانصاب
والجرح البعده الما طاب..جرحك يالغالي مبجينه
*************

جرحك يالغالي من جروحي..وبدلالي وبنص روحي
من عنده الامي وكل ونوحي..مفتوح شكبره يااذينه
**************

مفتوح شكبره بنص كلبي..الله الشاهد يعلم ربي
للوطن الغالي كل حبي..وبروحي شايل كل دينه
***************
بروحي ياوطني الغالي..افدي بااهلي واطفالي
وكل مااملك من اموالي..لن انت المال اليحوينه
***************

انت المال وانته حياتي..وكل حرف اليطلع بااهاتي
بس اسمع مني جلماتي..انت الطايح ادري تعينه
****************

انت الطايح شاله أجتافك..وترد اتحضنه اللي عافك
هنياله اللي رد وطافك..بس انته الدوم التانينه
***************

بس انت التنطي من زادك..ومتحاسب ياوطني اولادك
معروفه للناس امجادك..يعرف هل العالم ماضينه
****************

خادم اهل البيت
ابو علي السعيدي