أرد اسمع كلي هلي وخواني.. اليوم فك بابه الوطن ناداني؟ليوم الوطن للدواعش اقول
أرد اسمع كلي هلي وخواني.. اليوم فك بابه الوطن ناداني
***********************
اليوم فك بابه الوطن يصرخ يصيح..وين اهلي حرمتي هل تستبيح
انخه داحي الباب وحسين الذبيح..اليوم داعش ياخوتي ابيباني
********************
اليوم داعش وصل للموصل دخل..وزاد همي يخوتي وبيه العلل
مدري شنهو الصار ماعرف الخلل..مدري الهم منهو الباعاني
********************
مدري الهم منهو باعاني وشرد..باع حتى الكاع وتراب البلد
احنه ارض الله يااعظم وتد..اندكت بهاي الارض ولياني
*******************
اندكت بهل الكاع ارض المؤمنين..ارض داحي الباب والسبط الحسين
ويل لااصحاب الفجور الظالمين.. الراد ببلادي الخراب وجاني
*********************
الراد ببلادي دمار و شيعتي.. وتنزل عل اخدودي هيه دمعتي
والبس اسود وانتحب ياونتي..واصمت اسكت مااطلع الساني
*********************
اصمت اسكت بس دمعي يسيل.. اسمع اصوات الثكاله تنوح وعويل
واصرخ بصوتي اصيله دخيل..واكتب مسافر وعوف اوطاني
********************
اكتب مسافر واعوفن كل هلي..خله حملي يطيح ماكولن الي
واترك اهل البيت ماازورن علي..هذا ظن الداعشي ابعنواني
********************
هذا ظن الداعشي نسكت محال..اليوم جينه بقوه اتهدم الجبال
عفنه دار العزه وي كل العيال..من شفت هذا الوطن راداني
******************
خادم اهل البيت
ابو علي السعيدي
|