-- الى من خان تربة الوطن واهله في عراق الحسين ع
بسمه تعالى
اللهم صل على محمد وال محمد
------------
----
--
ذبوها عگلكم عيب ولله عيب
............... راح احچي بعد خل يشطح الساني
اخوي ابن العراق اوياي چنت اوياي
.............. بمگفاي وتصافح رحت عدواني
آنه ابن الجنوب ابن الوسط معروف
.............. النسوانك أحامي بشرف نسواني
تبايع داعش وياوسفه هوه منين
............... من تونس لقيط او لوله سوداني
نزعه الشاربك لايظل بعد اعليك
................. ذليل اتصير عند النسله سفياني
شيعيتي انذرتها وچنت اخاف اعليك
............... أذا سني اخويه ايگول وجداني
عشنه بالسواتر أخوه آنه اوياك
................ خاف انموت واحد وصه للثاني
انته امن الرمادي وآنه من ذي قار
................ عراقي انته وعراقي هذا عنواني
ومن تعطش اشربك بيدي چنت الماي
................ الشريانك يغذي چان شرياني
وي چتال اهلنه اتروح وسفه اتروح
............ والعرضك تسلمه بيد شيشاني
عمت عين الزلم هالباعت الاعراض
............ طم نفسك ولك بالگاع شمتاني
آنه من گبل چان البعث سجان
.............. بصبري وهيبتي موتت سجاني
واليوم الدواعش وين عني اتروح
............ وفته ننصر وطنه علي السيستاني
------------ سيد عدنان الحمامي ---------------
|