--

گلب الزهره انگص سباحه

--

بين الباب وحايط عصره

شيظل بعد ابروح الزهره

هو الضلع اشيجبر كسره

تنزف لا ماتبره اجراحه

----

أهتز الكون الهاي الدمعه

وجبريل ايوّن گام وينعه

لمّن صوت الزهره ايسمعه

بالتكبير ايصير اصياحه

--

الله أكبر صرخاته

ورضوان اليبچي ابجناته

واسرافيل ايهل دمعاته

والاملاك اتنوح انياحه

---

عرش الباري الهاي الصدمه

يرجف صار النور ابظلمه

حيل الزهره اشلون ايهدمه

هالظالم للحگ ذبّاحه

--

ابياحگ هالظالم يتجسر

مو بس ضلع الزهره أتكسر

چبد الهادي اعليها اتفطر

أبگبره وماحس لحظه أبراحه

--

بگبره الهادي ضل يتألأم

ضلعه ايحس بيه چن يتهشم

جازوه بالالام او بالهم

وليهم يفرش چان أجناحه

--
بالزهره أشگد وصه الامه

ودم الزهره اليجري دمه

تالي اتوصي ادفني ابظلمه

وضيع گبري ابهاي الساحه

--

سيد عدنان الحمامي