قصيدة مناسبة أستشهاد الرسول الاعظم صلى الله عليه وأله وسلم
((المستهل))
بالعتره من وصيت ... يارسول الله
شو عادو أهل البيت ... يارسول الله
سم وجتل وأرهاب ... ما راعو الاطياب
يارسول الله
*************
يارحمة الله الواسعه وياصفوته وياخيره
يالبيدك ألواء الحمد وياصاحب اطهر سيره
بدين الله أنقذت الخلگ من كل ضلاله وحيره
وتحملت جور الشرك صبرك صعب تفسيره
يامنقذ الاكوان ... يارسول الله
يارحمه الديان ... يارسول الله
ويا اطهر الاصلاب ... ما راعو الاطياب
يارسول الله
*************
أجر الرساله أصبح فرض للهادي أنزل ربه
لاتسئل الامه أجر بس الموده أنكتبه
كل مسلم أعليهه أنفرض للعتره يعلن حبه
والي شكر مسعه النبي واجب يود القربه
حبهم فريضه ودين ..... يارسول الله
وگلت أتبعو الثقلين ..... يارسول الله
يوم الي شخصك غاب ... ما راعو الاطياب
يارسول الله
*************
من غمض أعيونه النبي وللباري فاضت روحه
برزت علايم للحقد وللغدر بانت سوحه
ويوم السقيفه أسسو أول ظلم عالدوحه
أخبث بذر طش وأنزرع وأنرسمت أقبح لوحه
واتبدلت هالناس ..... يارسول الله
لاذمه لا أحساس ..... يارسول الله
من برزت الانياب ..... ما راعو الاطياب
يارسول الله
*************
رادوهه بيعه بالغصب جي لنهه ضد العتره
وگالت قريش أحنه الاصل وتحاججو بالشجره
وجحدو فضل بيت النبي والعتره هيه الثمره
وهجموا على دار الوصي وكسرو ظلع للزهره
وتجاسرو عالبيت ..... يارسول الله
ريت أتحضرهه ريت ..... يارسول الله
حرگو عليهه الباب ..... ما راعو الاطياب
يارسول الله
*************
شگد حــرَّفو من سنتك وتلاعبو بوصيتك
أخذو فدك من فاطمه العاشت عزيزه أبيتك
منعوهه حته أمن البچي ريتك تشاهد ريتك
أبيت الحزن نصبت عزه صبح ومسه باجيتك
وتوالت ألاحزان ..... يارسول الله
هذه الدهر خوان ..... يارسول الله
صوبهه ميت أصواب ..... ما راعو الاطياب
يارسول الله
*************
وتوالت أحداث الغدر والهادي نكرو عهده
من صوبو هام الوصي والحسن سمو جبده
وحسين أبو اليمه أنذبح وذبحو اخوته أولده
وسبي الوديعه أم الخدر والشده تتبع بشده
ماتنسي الالام ..... يارسول الله
يامحنة الايتام ..... يارسول الله
من حركو الاطناب ..... ما راعو الاطياب
يارسول الله
*************
اسئلكم الدعاء
محمد ابورغيف