للحسين مشايه..بجفه شايل رايه


يوم الكصد هذاالدرب..يعرف طريجه شكد صعب..من شماله والا من غرب
المهم هوه الغايه

من الفاو هالزلم اعتنت..لحسين هيه توجهت..رايات كثره من احملت
للمظلوم عنايه

البصره رفعت رايتك..مكتوبه بيه وصيتك..تلعن الكوم الظلمت
كله اجت وفايه

اهل المجر شالو علم..والحزن وياه القيم..رددو كلهم بالنعم
كلهم الك مشايه

مشايه جتك ذي قار..عافت اهله والدار ..كلهه بعزيمه واصار
والسوك والدوايه

اتعنت ازلام الخضر..يوم اللي عرفت بالامر..تعزي امامك يالعصر
للحزن شالت رايه

والحمزه هيه الصرحت..أبكلشي هيه اتبرعت..تتلكه هاي اللي اجت
توفر اله حمايه

تحمينه زلمك يالولي..والخدم يم مرقد علي..يخفف هموم المبتلي
يمه الاكي ادوايه

طويرج هيه ام العزه..علينه دوما فايزه..بالحجه هيه محرزه
بالركضه هوه ويايه

وبكربله لو تنسئل..عيونك خليه تهمل..بيه الكفيل الينكفل
هوه صاحب الرايه


خادم اهل البيت
ابو علي السعيدي