نظرة حال لفراق الامير عليه السلام :
هي فرحة عيد ،،، لو دمع يجري حزِن
هي دمعة شوگ ،، لو شِعِر حالي يحِن
ما اريد اكتب عتب
گلبي يابوية التهٓب
وحشة عكبك ليش ،، يالأبو يوم الرحِت
لاگمر بالعيد ،،، يضوي يل عنّي غبِت
بوية كل عمري ارتوة
وشوفتك تمحي التعب
گلبي يابوية التهب
تشهد الايام ،،، من وگفت ابرايتك
يفتخر السلام ،،، هيبته من صايتك
معتٓقٓد حبك شرع
لولة وجهك منكتب
گلبي يابوية التهب
فرگتك چم دوب ،،، گلي يل وجهك عرش
جثتك نبراس ؟ ،،، لو عدن هية النعش
ابكربلة ردتك تجي
ومو صعب هذا الطلب
گلبي يابوية التهب
بالمشاعر ثوب ،،، مزك اعيونة الدمِع
والخواطر جيش ،،، تخلص ابنار الشمع
بوية آهات الگلب
قصة أولها : ذهب
گلبي يابوية التهب
آنة بوية حسين ،،، مو عطش ماي اعطشت
الشوفتك عطشان ،،، غير جودك ما ردِت
يافرض ركن الإبة
بالنجف حالي انتحب
گلبي يابوية التهب
،،،،،،،،،،،،،،،،،،،،،،
بقلم سراج السلطاني