موشح في حق الزهراء ع
======
------
وين يالمحجوب اصبح دارك

يمته للزهراء تاخذ ثارك

---------

يمته يالمحجوب يايوم الظهور

عفيه گلبك هاكثر گلبك صبور

يمته لمك فاطمه الزهره تثور

ويلعب ابروس العدو بتارك

----------

يمته للثارات ونشاهد بدر

يمته موعين الزجيه تنتظر

تجبر بثارك تريد الها الكسر

وعالسطرها اتصب حممها النارك

----------

تاخذ الثارات وتسر الرسول

وخيل ثار الله على العايل تصول

وجرح يشفي ثارك بصدر البتول

ليش ضاعت عالرعيه أخبارك

-------------
ثار ضلع الزهره وضلوع الطفوف

تجي الصدر حسين بعيونك تشوف

جسمه برماح العده وحد السيوف

تبچي لوصدت عليه انظارك

-------------

تلگه عبد لله الرضيع ونبلته

للعطش لساعه جمره بچبدته

نشده زينب وين صارت عمته

الحالها من العدو تتدارك

-------------

للشريعه روح بعيونك تشوف

تلگه جود ورايه يالمهدي او چفوف

يمهن اطفال ابرعب ظلت او خوف

تنتظر انته تجي وانصارك

================