وفاة السجاد -- ولائيه
سلام عليكم
--
--
--
يبو الباقر الك افدي نظر عيني -- بس ترضه الك خادم تخليني
--
يبو الباقر عليك ابدمعة اسكينه -- وبالعباس احلفك وبنظر عينه
بخدمتك هالعمر تقبلها وسنينه -- ومن جدك محمد اجري ينطيني
--
يمن بس أذكر امصابك نزف گلبي -- اريد ابخدمتك مرضاة بس ربي
يالحبك يبو الباقر ضوه الدربي -- والدرب الرشد حبك يدليني
--
ادري بيك يالسجاد چم لوعه -- وجفنك منجرح من كثرة ادموعه
لأن بيدك لبوك اتلملم اضلوعه -- ودم امن اذكر امصابك يبچيني
--
اريد ابجاهك العند الله يالسجاد -- كل عام اليجي اخدم الك ينعاد
فدوه ايروح ابويه وامي والاجداد -- يبو الباقر الك وافديلك اسنين
--
انته اللي عليك الحزن يتوجب -- وشمنجود بچي اعليك لو ننحب
منوفي وحق اللي كفل زينب -- وگاللها اجيب الماي شوفيني
--
يبو الباقر وحق زينب او والدها -- ادري هل الخدامه هاي متردها
الشفاعه امن الزجيه آنه رايدها -- وغير الزهره باچر من ينجيني
--
سيد عدنان الحمامي
|