قصيده بحق العباس (( ع ))
تلوك الرايه بيد الكمر راعيهـا
امانه وعنده من حيدر امخليها
********************
امانه الرايه والبـيرغ بچـفـه الـتــف
يــوم الصال والغـيـره عـلت بالطــف
ماطاحت الــرايه لچــن طاح الچــف
چان بغـيــرتــه العــبــاس حــاميهـا
**********************
هالـرايه امانـــه وبيهـا عـالكــفــــار
صال ابن الصميــده وضنـوة الكـرار
خلاهـا الـزلـم من كل كــتــر طـشــار
وچـان بلحـظه يگـدر كلها يفـنـيهــا
**********************
قـدم روحه للــــرايـه وفــداها بــدم
وجـيـوش العـده تعـرف وبي تعـلـم
زم چـفــه عـليها الــرايته وأقســــم
يگلب عـالـعـده عاليهــــا واطـيــها
*******************
عـرفـوا من حملها بشرف حــاملها
امانة حـيـدر وعــمــره نـــــذر ألها
المواقـف عالشـريعه بدمه سجــلها
ابو فـاضل كـفــو للـــرايـه شاريها
*************************
ابو فاضل كـفو ونـعـميـن من عـنده
عالشاطي ملاحـم سجــل الــوحـــده
ماطاحـت الـرايه أمچـلـبـه بــزنــده
يجـيب الماي گـصـده وراد يـرويها
*************************
شال الماي گـصــده وللعـيـال أيعـود
شاف الــدرب ملزوم وعـليه مسدود
جـرد سيفه لاچـن جـبهـتـه بعامـــود
صابـوهـا او وگع عالشاطي واليها
************************
خادمكم
رياض الرسل
آخر تعديل رياض الرسل يوم
11-07-2012 في 03:40 PM.
|