كوم نشف دمعتي..ياعلي ياسلوتي

كوم يبني احجيلي..والهظم هد حيلي..كوم بس اوميلي
كوم ذابت مهجتي

كوم يبن المرتضى..يبن بيت الموعظه..شيل حملي ونهضه
كوم عزي وتجوتي

ردتك ليوم الشداد..تشيل نعشي ويالاولاد..تالي انصبلك حداد
ردت تحضر دفنتي

يبني كثرت هالجروح..عليك مهظومه انوح..بعد جا المن ابوح
انت روحي ومنيتي

انت يازين الشباب..كوم شدلي على الرجاب..يبني زيدت العذاب
يبني صعبه فركتي

يبني من بعدك احير..حرت بيمن استجير..واعرفت انه المصير
بعد شلي بدنيتي

يبني بعدك لا ردت..لحظه بالدنيه وعشت..يبني لمصابك شفت
وجبل صارت علتي

يبني اسمع هالعتاب..بكلبي لاانصبلك مصاب..وخلي تنعاك الشباب
يوم تسمع ونتي

يبني هد الحيل مني..يوم طبراتك حنني..ريت وبكلبي لفني
كون صارت موتتي

يبني من جاني الخبر..انصدع كلبي انكسر..ضكت ساعته الامر
الموت صار بشفتي

خادم اهل البيت
ابو علي السعيدي