بسمه تعالى

-----

سلام عليكم

--

البحر الطويل

---


زينب على افراش الموت -- ليش اخوتها مو يمها

ابوها رادته يحضر -- ليها لو تجي امها

-------

زينب عگب ذاك الجور -- وهم اليسر واحزانه

وظيم الحملته بالسشام -- من ايزيد واعوانه

بيها يشتمت بيها -- لمن لفت ديوانه

ظلت بالصدر جمره

حسره اتجر بثر حسره

ماضل بالگلب صبره

كل يوم اليمر بيها -- حچي الشمات يالمها

------------

كلام الشامت اعليها -- وجر بالدليل النار

عاشت بالحزن بالشام -- تجري الدمع ليل انهار

وهيه ابكربله بيها -- زينب يامصاب الصار

اهناكه فگدت اخوتها

واهنا تهل دمعتها

اهناك العزَه ضيعتها

ولمن اجت لرض الشام -- فگد الاهل هاظمها

-------------

مهظومه تعيش ايام -- بس الحزن والفها

اشظل زينب بعد بيها -- ومحد هيه شايفها

تطب ديوان والشمات -- تتشمت شفايفها

يعاين واحد اعليها

ابرمية حقد يرميها

او واحد يشتمت بيها

زينب عگب ذاك العز -- عدوها يجي ايكلمها

-------

ياروح المثل زينب -- اخت اتفارگ اخوتها

اتكابد ظلت الالام -- غريبه بدار غربتها

ومن حست مثل هاليوم -- المنيه اجت رادتها

گامت بس تدير العين

وتلهج اخوتي چاوين

عباس وعزيزي حسين

اريد امن اخوتي واحد -- تشمه الاخت ويشمها

-------------

چاوين اخوتي عني -- واعرف اخوتي طيبين

لا ابن امي يحضرني -- يم راسي اريد حسين

وابن الوالد العباس -- عني شاخره هالحين

روحي اله ملهوفه

وعيني رايده اتشوفه

بلچي ايرجع اچفوفه

لاخته ينتخي ويگوم -- وبلهفة اخو ايظمها

---

ادري بخوتي ادري -- عزيزتهم يعزوني

ماظن لو دروا بيه -- ابها الحاله يخلوني

ردت واحد ينگط ماي -- وبيده ايغمض اعيوني

ياهوا ايسبل ايديه

جسد والروح مابيه

بلچي ايلحگ اعليه

ابويه اليحظر الشداة -- ابشوفة وجهه يكرمها

----

زينب ايست زينب -- سلمت للمنيه الروح

واخذت للحزن والهم -- وياها ونزيف اجروح

ختمت هالعمر بالون -- ابدمعها والقهر والنوح

سلمت روحها ابهما

لاواحد حضر يمها

ولا جت فاطمه امها

زينب حتى وكت الموت -- من الاهل يحرمها


-----

سيد عدنان الحمامي


----

--