طريقة سهلة ( وهي لذيذة الطعم حقاً ) يالله أخليكم مع الحلى


بسم الله الرحمن الرحيم ،

مساء ورد

جبت لكم حلى لذيذ جداً ، وطريقته مررررة سهلة ومضبوطة

نبدأ المقادير مع الطريقة :

الطبقة الأولى /

باوند كيك بالشوكولاتة

نقطعه بالتساوي لـ 14 شريحة تقريباً


ونصفه بصينية بايريكس ( أنا استخدمت أكبر صينية اللي يجون 3 مع بعض )




الطبقة الثانية /

3 مغلفات أوريو ( 18 حبة ) - علبة قشطة - ظرف دريم ويب - 1 مارس كبير - 1/4 كأس حليب

نزيل الكريمة من الأوريو

نطحنه ( ليسهل علينا خلطه مع باقي المقادير )

نضيف باقي المقادير

ونخلطه عدل ، ويوضع كـ طبقة ثانية فوق الكيك


وفي الفريزر لمدة 30 دقيقة

:

الطبقة الثالثة /

علبة قشطة - ظرف دريم ويب

نخلطهم عدل بالملعقة

ويوضع كـ طبقة ثالثة

:

الــزينة /

أوريو ( يفضل بعضه فاتح والآخر غامق ) - هيرشي سيروب

تزال الكريمة من الأوريو

وتصف بالتساوي فوق الطبقة الثالثة مباشرة

ثم تزين بـ الهيرشي سيروب

وفي الثلاجة لمدة يوم كامل أو الفريزر لمدة 10 ساعات

:

طبعاً هـ الحلى يفضل يترك أطول فترة ممكنه يبرد حتى يضبط وتتماسك الطبقات
وانا احطه بالفريزر وقبل التقديم بساعتين أنزله بالثلاجة ليسهل علي تقطيعه


وهذا شكله النهائي عند التقديم


وعوافي عـ قلوب الجميع
تحياتي نورجهان