بسمه تعالى

سلام عليكم وربي ايبارك فيكم ويلبسنا واياكم ثوب العافيه ان

شاء الله

000

طلب الشفاء من لله في حق فاطمه المعصومه بنت الامام موسى بن جعفر عليه السلام
--
--
--



ياهوبيه عله وچثيره اهمومه
حاجته يطلبها من معصومه

----------------------


ياهو من جور الزمان وبلوته


علّه بيه ويريد تشفه علّته


يمشي لاخت الرضا يطلب حاجته


ايروح كل المرض والله ابيومه


--------


اگصد المعصومه يالتشكي الوجع


وبيك حبل الامل ساعتها انگطع


منها خايب ابد ما واحد رجع


وبعد اخذ من عندي هالمعلومه


------


راح واحد يوم بعيونه رمد


وبضريح اخت الرضا ويمها گعد


گلها يمچ بعد ما اطلع بعد


يبچي بلل بالدموع اهدومه


-------


وگام بالشباچ يمسح دمعته


وبيها يتوسل ال الله بطلبته


الوادم ارمد عين لمن شافته


صار تدعيله وهي مضيومه


-----
لنه بالحضره يظل ساعه بنحيب


راد معصومه لعد عينه طبيب


صدگ لن تبره العيون اوما يخيب


ونظر بيهن للسمه ونجومه


------
طلع من معصومه ماخذ طلبته


برت عينه وفرحّتله مهجته


والذي يشكي بالم من علته


بلسم الروحه الذي مألومه


-------
روح جّرب يالذي تشكي العلل


هاي معصومه بنت خير العمل


هيه للمأيوس من علته امل


ماتخلي ارويحتك مهظومه


----
خلي نتوسل اليله بالدعاء


ونسأل الباري ابفضلها بالشفاء


وبذكر ال النبي همه الرجاء


وبمحمد ص امته مرحومه


-------


اللهم لاتدع لي ذنباً الا غفرته ولا هماً الا فرجته


ولا سقماً الا شفيته بحق محمد وال محمد


يالله يالله يالله


سيد عدنان الحمامي