المستهل
عاشور ابكل يوم انعيده
**************
عاشور أبوجدان المذهب
نعرف هالغايه وهالمطلب
ولو جار الدهر ولو يصعب
بدمانه صوته وترديده
**************
بعاشور احسين اسس مجده
ولولا ماضل منهج جده
صوله حك ومنهو أيرده
ماهاب الباطل ويزيده
**************
بعاشور احسين احيه بدمه
غرس الدين بهاي الامه
ضحه بكل غالي وماهمه
وعالدهر توجب تخليده
**************
بعاشور أستلهم هالموقف
وكل وگفة حگ لازم تنصف
وللا نصار الضحو أعرف
كل واحد حط چفنه أبأيده
**************
عاشور أبساعاته الخطره
أبكل عصر أيعيد الكره
بضمايرنه ودوم أنذچره
طوگ أيزين الدهر أبجيده
**************
عاشور أيعلمنه الوگفه
نوگف ويه الحگ مـنحرفه
وعن الباطل لا ما نغفه
ومانرضخ يوم التهديده
**************
عاشور أولو هل اهلاله
متجف بي عين الهماله
وكل مؤمن يسچب دلاله
مأتم لطم ونوح أيزيده
**************
عاشور يوحدنه أبچلمه
چلمة حك تنير الظلمه
منهاب الطغيان وأسمه
لوكثرت صرخات أرعيده
**************
عاشور أيجدد خوتنه
كل مأتم مصدر وحدتنه
وأيام أحسين الجمعتنه
صرح الحك تضمن تشييده
**************
عاشور أيظل يزهي أبدهره
مجد أشيد بي للعتره
ضحو بالحك ولد الزهره
وللاسلام احيو تجديده
**************
اسئلكم الدعاء
محمد ابورغيف