بسمه تعالى

سلام عليكم

--

--
موشح موشح موشح
----
---
--
للحرب لابس يجاسم لامتك

امك الهل اليوم هيه ذخرتك

--

گوم ودعني يجاسم وارتحل

وخلي دمعة عيني لوداعك تهل

وسيف ابوك الحسن يوليدي تسل

رادك الهليوم وامك رادتك

--

هذا من عودك السيف آنه اذخرت

اهدعش عام اسنين عمرك صابرت

اجروح بيه اشكثر لاچن كابرت

كون اعرسك وآنه اعلگ شمعتك

--

كابرت يبني واجاهد بالربه

والك من الگلب يبني امعاتبه

انته هيبه اوبيك آنه امهيبه

انتظر واحسب ايام الزفتك

--

احسب ايام واجاهد هالدهر

وگلبي لتظن يوم لفراگك صبر

اليوم عندي ابغيبتك يبني شهر

تسوه هاي الدنيه عندي شمّتك

--

انته روحي ونته ثمرة هالسنين

انته نسمة هوه لمك والحنين

اشلون تبقه اخلافك بآه وأنين

وهيه يوم اتموت اذا ماشافتك

--

انته عمري او مهجتي او عيني التشوف

ونته حلم ايامي بعيوني يطوف

آنه ادري اهناه اضيعك بالطفوف

وامك السوح المنيه ودعتك

--
سيد عدنان الحمامي