|
استشهاد الامام الكاظم ع -- بجروح الايام -- اخمسطعش عام بغربته الكاظم كظاها
بسمه تعالى
- - - المستهل --- بجروح الايام --- اخمسطعش عام بغربته الكاظم گظاها وبرهبة سجون--- حتى الشمس بي مايمر ابدن ظواها ------------- نواسي محمد بالدمع نبچي ونعزيه عالكاظم شعدنه دمع هالليله نبجيه چفوف الخيانه غدرته سم السره بيه لاجرم عنده او لاذنب من جاروا اعليه محّد يرحمه ---- روحه الحزن والهم كثر بيها اعتلاها وبرهبة سجون---- حتى الشمس بي مايمر ابدن ظواها -- -- يالمحب اذرف دمعتك عالكاظم ونوح بتراب سجنه اشچم سنه امغيب ومطروح قيد الحديد امقيده والساك مجروح ياروح تحمل هاكثر من ظيم ياروح باب الحوائج --- احبابك وليك اعتنت تنصب عزاها وبرهبة سجون---- حتى الشمس بي ماير ابدن ظواها -- -- شنهو العذر للمصطفى باچر يعذرون لونشد چبد الكاظم اعليمن يسمون مو وصّه هوه بعترته والكل يسمعون طشروهم او بين الذبح مابين مسجون نكرت وصيته --- الدنيا المطامع امته ركظت وراها -وبرهبة سجون--- حتى الشمس بي مايمر ابدن ظواها -- -- بالسم كظوا ال النبي والذي ايذبحوه بكل قطر واحدهم صفه عن اهله ينفوه والذي اعليه حايط بعد لارحم يبنوه وموسى بن جعفر ماخلص منهم يسموه چبده تگطع --- والحاله تبچي اعليه غدت ارض وسماها وبرهبة سجون----- حتى الشمس بي مايمر ابدن ظواها -- -- مابين تشريد وقتل مابين الاوجاع عترة محمد تنهظم حقها انسلب ضاع لا وين وبأبخس ثمن دين النبي انباع لاشرع لامنهج عدل ظلت للاطماع الفاطمه ايهظمون --- كسروا ضلعها امن الصدر تجري يدناها وبرهبة سجون---- حتى الشمس بي مايمر ابدن ضواها -- -- والزهره مظلومه صفت شتحملت آلام بدار الحزن بس الدمع لاعين التنام ينغصب حقها ابلا سبب غصبته الظلام شوصه محمد حرفوا كل ذيج الاحكام كسروا ضلعها --- ومنها فدك ظالم نكر حقها وخذاها وبرهبة سجون---- حتى الشمس بي مايمر ابدن ضواها -- -- سيد عدنان الحمامي |
بسم الله الرحمن الرحيم
اللهم صل على محمد و آله الأطهار و عجل فرجهم يا كريم ., السلام على من تخضبت لحيتة بالدموع خشية من الله السلام عليك ياموسى الكاظم السلام عليك حين ولدت والسلام عليك حين استشهدت والسلام عليك حين تبعث حيا ياباب الحوائج يا راهب ال محمد سيدنا الجليل تقبل الله أعمالكم و اجركم على سيدي ومولاي موسى الكاظم عليه السلام رزقنا الله واياكم زيارته في الدنيا ونصرة ولده الحجة عجل الله فرجه للأخذ بثاره وثار اباءه واولاده عليهم السلام و رزقنا الله واياكم شفاعته في الاخرة والسكن بجواره في جنان الخلد آميـــن رب العالمين سيدنا نسالكم الدعاء وزياره عند العتبة الكاظمية المقدسة إن كنتم من هذه الديار المباركة .. |
سيدنا نسالكم الدعاء وزياره عند العتبة الكاظمية المقدسة إن كنتم من هذه الديار المباركة .. ربي يقضي حوائجكم ان شاء الله ومننساكم بالدعاء عند الامامين الهمامين موسى والجواد ع ان شاء الله |
| الساعة الآن 10:03 PM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010