|
قصيده --- گعده --- استشهاد الامام علي ع -- 2
++++++++++++++ القصيده الثانيه
گعده – لاستشهاد الامام علي ع ............................ المستهل ......... ياعلي منصوره رايتنه هالحشد يحمي عقيدتنه نظل بسمك رافضيه --- خلها تسمعنه اميه .................... ياعلي للذل رفضنه والخيانه امن السقيفه هوه غيرك ياهو اول نصبه الباري خليفه منها واصبح للتآمر من العقول السخيفه وشيعتك صارت رافضه --- اليوم السقيفه اتعارضه رغم أنفه كلمن مارضه --- ثارنه لا مانعيفه يسمع الماحفظته امه كل شهيد انطالب بدمه شيعه نحملها الهويه --- خلها تسمعنه اميه ........................... هالخيانه المستمره من ولد هند اللعينه خلّفت من نطفه قذره كل نغل ماعرف دينه وذاك ابو سفيان أرعن عميه عن الرشد عينه لادين عدهم لاورع --- بأوهام عاشوا والبدع نهج الله حرفوه ونصدع --- وحاربوا عترة نبينه يامنجزات العدهم انطونه غير الفتاوي البيها ذبحونه الله يلعنها السميه --- خلها تسمعنه اميه ........................... ذبح تقتيل وتكفّر كلمن يخالف فكرها من بني صهيون تاخذ أمر وتنفذ أمرها صوروا للناس هذا دين اجرام بنظرها فتوة قتل فتوة ذبح --- وكل اليخالف ينذبح اسلام دين الله سمح --- مو المنهجها وكفرها داعش افكاره سعوديه صنع امريكي امتيازيه توضحت ميه بالميه --- خلها تسمعنه أميه ................... كل بريئ انسفك دمه دمه برگاب النواصب الكل وهابي ضلع بيها هالجرايم والمتاعب واليشاركهم بجرمه ناس من اهل المناصب اللهم حواظن بالبلد --- صاروا أمان اللهم بعد يذبحون حتى البلمهد --- والقصاص العدنه غايب قاضي عادل مايصح بيهم وبيهم امأمن حراميهم القاضي والمجرم سويه --- خلها تسمعنه أميه .................. بلد خيرات ومنافع بلد بيه اكبر حظاره صار بيد اهل السياسه الماتخاف الله تجاره تشوف كل واحد الدوله منتمي ومالي استماره ايخون الشعب بيها قبل --- ونفذ مآرب للدول ومنهم بداعشها اتصل --- وصاروا اوياه بالمغاره من كلامه داعشي اتشوفه بالجريمه املوثه اچفوفه ضحكنه من شر البليه --- خلها تسمعنه اميه .................. دم اهلنه غالي عدنه ليش دمنه ارخيص عدهم لابد ايكون القصاص ولابد اعله الحق نذلهم عدنه آلاف الضحايا ناخذ الثارات الهم حقنه قسمنه انرجعه --- امن المايحفظه مرضعه وكل دم شهيد باربعه --- الصاع صاعين ونردهم ياحُسين بصرخه نادينه وراية العباس بيدينه أحنه جند المرجعيه --- خلها تسمعنه أميه ...................... سيد عدنان الحمامي |
| الساعة الآن 09:54 PM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010