:: منتديات السيد عدنان الحمامي ::

:: منتديات السيد عدنان الحمامي :: (http://www.adnanalhamame.com/vb/index.php)
-   قسم الشعر الشعبي (http://www.adnanalhamame.com/vb/forumdisplay.php?f=13)
-   -   قصيده( من جودك خلاص العطش ياحيد راح) (http://www.adnanalhamame.com/vb/showthread.php?t=8791)

ثورة الحسين 02-10-2015 10:56 PM

قصيده( من جودك خلاص العطش ياحيد راح)
 


ابد ما تنوّصف ياحيد بالصعبات ++وابد ماتنكحم والجبل فلّشته
وصح اهلّن دمع بس الدمع شيفيد++وانته لوحة صبر والصبر عجّزته
يالجفّك دوه وخلّه الشمر خايف++وبجّيت الزلم والشمر ضيّعته
وجود الجفيل معروفه عند الناس++اشما سمع طفل حن ومالت جربته
ومن شافك حسين ياجفيل ارتاح++وعطشان الماي بالخيم شرّبته
ومن شافك عليلك ياحيد ارتاح++ والعليل اليوم بالخيم طيّبته
يااوّل شهم لوه اخشوم الغمان++ ويا اوّل رفض للماي من شفته
ويا اجمل اسم سمّاك حيدر بيه++ويا اجمل بدر بالكون شرّفته
من جودك خلاص العطش ياحيد راح++وشهم راعي الجود والماي جبته
يبن حيدر علي الما خيّب الامال++ويا رمز الشجاعه ونعم ما شفته
يالحامل راية حسين فوك النجوم++شبل حيدر علي والشمر حيّرته
حسين من جيّتك ياصاحب ارتاح++ونور بجيّتك ياكمر فرّحته
ومن شافتك زينب ياعزيز الروح++وصاحت يا كلب والكلب هيّمته
وعلي لهاذه اليوم ياكمر ضمّك++وانته ياعبّاس بالصولات فلته
ومن صولتك للماي ظل الكلب نار++وداوي الكلب ويا دوب لازمته
ومن شفتك ياماي الفرات حسّيت++بالكلب نيران واليوم ذوّبته
ابد ما تستاهل ياماي ارحمنّك++وهيهات اشرّبك وانته عذّبته
وابد ما تستاهل يا فرات اذكرك++وبجّيت القلم والكلب كطّعته

++++++++++++++++++++
بقلمي
خادم اهل البيت(ع)
عبدالله العتابي

سيد عدنان الحمامي 02-11-2015 09:50 PM

موفقين ان شاء الله

اسئل الله ان يرزقنا واياكم شفاعة الحسين ع

تحياتي ودعائي

ثورة الحسين 02-16-2015 08:36 PM

السلام عليكم
سيد عدنان الحمامي
شكرا لكرم المرور واسال الله
ان يسدد خطاك ويرعاك
اخوك الاصغر
العتابي


الساعة الآن 02:15 AM

Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY:
! ωαнαм ! © 2010

Security team