:: منتديات السيد عدنان الحمامي :: - سفير الرحمه مسلم بن عقيل عليهما السلام

(( سفير الرحمه))
*********
من الكوفه الرسايل للمدينه** اتحشم بالحسين اعتني علينه
وعدها أتوفي لعهود ـــــ خط واضح المقصود
*************************
الكوفه كتبت لبو اليمه ** ياأبن خير البريــــــــه
اقدم علينه وتلاكــــي ** مشرعه سيوف اعربيه
ترفض الباطل واهله ** امناصره العدهم حميّــه
هذا عهدنــــــــه والعزم
والخانه موش من الزلم
امرك نطيعــــــه ونلتزم
وياك نتاحده المنيّـــــه
ماخيَّب الظن وارسل سفيره
باب الحاجه مسلم ابو الغيره
متأمل أله ايعود ** خط واضح المقصود
*****************
وصل مسلم وبيقينه ** العاهدوا فد كلمه وحده
تاخذايمينه وتبايع ** اتصير ويّه حسين جنده
يوم واثنسين وثلاثه ** صلّه بالجامع ابوحده
خانوا عهود اموثقه
طاعوا امير الزندقه
صعبه اعله مسلم لوبقه
وناس صارت كلهه ضدّه
مسلم صفه بغربه او بين عدوان
ظل بالسجج حاير ماله عنوان
ودرب الرجعه مسدود ** خط واضح المقصود
******************
بالشوارع بقه ابروحه ** انسدت البيبان كلهه
جنهه ماودّت رسايل ** وحنّت الناس الاصلهه
من سنين بعمَّه غدرت ** هذاللعتره وصلهه
وحدّها طوعه اّوتــــــه
وبحب علي ماي اطته
نذرت عمرهااو حامته
هاي طوعه وطبع اهلها
بمصباح الفجر غاره اعله غاره
ومسلـم البـطل ثابت قـــــــراره
بروحه الوفي ايجود ** خط واضح المقصودا
************
بروحه هل المعركه احياهه ** لجل دين الله ورسوله
عن يقين او عن درايـــــــه ** ورسم بيمينه البطوله
ماثنه عزمه وتــــــــــعذّر ** وصف معناة الرجوله
من أول خيوط الفجر
بينّت نيّات الـــــّــغدر
شتريد تلكه الهم عذر
الباعوا الدين وأصوله
بسيفه ينهي هجمه ابأثر هجمه
سفير الرحمه منّك يبو اليمه
ابد ماخان لعهود ** خط واضح المقصود
***********************
اجتمعت الوادم الجتله ** وحفرت بوسط الشوارع
ومن سطوح الدور ترمي ** حجاره الجانت تبايـــع
من قطام وغدر جعده ** ابينهم دين الله ضايـــــــع
مسلم لبن عمه وفه
نال الشهاده بموقفه
بالكوفه نوره منطفه
صحنه شاهد صحنه واقع
سفير حسين من نال الشهاده
بصبره واجه الموت بسعاده
مايحتاج لشهود ** خط واضح المقصود