|
---- قصائد ---- استشهاد الزهراء ع --- قصائد
--------------------- استشهاد الزهراء عليها السلام ------
----------------------- قصائد للزهراء ع ------------- -- -------------1-------- عله فراش المنيه وماتغمض العين تعاين فاطمه بس عالحسن وحسين ******************* ام اوبالمنازع عينها اعليهم اتفارگهم ازغار شلون چابيهم حسن وحسين زينب من يباريهم اعزاز اولادها امن اتشمهم ارياحين **************** شمامه الولد وعزيز عند امه وچانت للحسن بشفايفه اتشمه تدري فاطمه عدوانها اتسمه ابنار السم چبدته تنگطع نصين *************** اتعاين للحسين اولوبچه اتسمعه ومن عينه الوجهها توگع الدمعه ضلعها لزمته وتعاين الضلعه تعلم موضلع يتهشمن الصوبين **************** گعد الحسين يم امه ويحاچيها بس الجسد ظل وروح مابيها ايقبلها بديها ايدنگ اعليها ايگلها امن الالم يايمه لتونين ***************** چانت من ضلعها تون ويسمعون اتلوج امن الالم ويلادها ايشوفون والدمعه اعله خدهم جمر من يبچون ازغار شلون بينه يمه من تمشين **************** تمشين وهظم زينب بعد يزداد يمه فاطمه الام خيمه للاولاد اخلافچ ما بعد هذا العمر ينراد اخذي اروحتي وياچ لتغيبين ************* لتغيبين عني اوياچ اريد اوياچ بنت انه وشلي ابدنيتي ابلياچ لتغمضين يمه فاطمه عيناچ زينب انه ليش اويايه ماتحچين **************** غمضت عينها الزهره وتودعهم شراواهم دهرهم ظيم عگب امهم اچبود اتوذرت واعله الترب دمهم بكل امچان واحد صاروا امطشرين ************* سيد عدنان الحمامي --------------------------------------- فائزي -- ----------------2 ---------- -- يالغايب امك فاطمه تتنطر الثار -- ومحسن ابدمه ينتظر يم عتبة الدار -- يالغايب انته ابياكتر وبيا ثنيه -- صرخة الم ليك اعتلت هاي المسيه نتشارك اوياك المصاب اعله الزجيه -- ونار الحزن بينه مثل مابيك هالنار -- يالغايب الزهره تون هم اسمعتها -- امك لامك جان اجيت انته وشفتها من ياجرح من ياهظم تشكي اسئلتها -- اتسولفلك اعليها الجره يالغايب وصار -- اتسولفلك اخلاف النبي من روعوها -- حته الوصيه ابضعته لا ما رعوها مو فاطمه بنت النبي خلافه نسوها -- والجره اعليها اعله الخلك ابدن فلا دار -- منعوها حتى امن البجي وهالامل ماجان -- يالغايب وظلت تون ابدار الاحزان ام الحزن صار الحزن للزهره عنوان -- حتى الصبر من فاطمه يالغايب احتار -- احتار الصبر من فاطمه اشكبره صبرها -- يالغايب ابكسر الضلع ختمت عمرها وصت علي من تندفن ايضيع كبرها -- ونعشي تشيعه ابظلمه كالتله يكرار -- بالظلمه نعشي لو ردت شيعه يحيدر -- وكل الظلمني ياعلي ماريده يحظر ابهظمي اروح الوالدي ابضلعي التكسر -- واشكيله بيّه امتك اشعملت يمختار -- سيد عدنان =------------------------- 3 ----------- ----------- المستهل -------- يم الحسن سجلينه -- خدام الج خلينه -- هذا عهدنه البينه ------------ نضحي الج يم الحسن بالارواح -- ابكل فرض ذكرچ كل مسه وكل مصباح فدوه الذي عمره ابمحبتچ لوراح -- وفدوه الذي بحبچ يذبحه الذباح خل تذبح السچينه -- خدام الچ خلينه -- هذا عهدنه البينه ----------------- للزهره وبدمنه نظل منذورين -- برگابنه لم الحسن يبقه الدين ابمال وبنين اشما نضحي امقصرين -- هيه الامان امن الخطر يوم الدين غيرچ منو اينجينه -- خدام الچ خلينه -- هذا عهدنه البينه ----------- احنه الذي عنچ ابد لامنجوز -- احنه ابمحبتچ ندري يالزهره انفوز مابيه واحد يرتهب لامهزوز -- الدربچ نمد ارگاب لو شفنه ايعوز يافاطمه نادينه -- خدام الج خلينه -- هذا عهدنه البينه --------- انتي الامل انتي النجاة امن النار -- دارين بمحبتچ نحصل مو دار والجهل فضلچ ما اله كل اعذار -- عذره اشيقدم لو ينشده المختار ميهمنه لو ضحينه -- خدام الچ خلينه -- هذا عهدنه البينه ---------- اوياچ العهد يافاطمه عاهدناه -- بالدم نوقعه كل وكت جددناه وسط الظماير اسمج الخطيناه -- عن العيون الآثمه ظميناه اباب الگلب خطينه -- خدام الچ خلينه -- هذا طبعنه البينه ----------- يالزهره خدمتنه بعد قبليها -- ابصك الشفاعه الشيعتچ جازيها ومن كوثرچ يوم الفزع ارويها -- يوم الحشر ماغيرچ اينجيها صك منچ وتنطينه -- خدام الچ خلينه -- هذا عهدنه البينه --------------------------------- ------------- تجليبه ------------- 4 ------------- ------------------- عسى انشلت يمينك يالشعلت النار لاتدفع الباب أم الحسن بالدار --- لاتدفع الباب انشلت ايمينك اشگد وكحه وصليفه وحاقده عينك هاي أم الحسن هيه شرف دينك لوغضبت عليكم يغضب الجبار -- لاتدفع الباب اشلون تدفعها وصرخت فاطمه وجبريل يسمعها مو آيات ربك ليش تفجعها وأهتز العرش هذا الفعل من صار -- ياچف الخيانه اللي جسر عالباب وضلع قرآن الله بالكسر ينصاب والتورات لبست للحزن جلباب والانجيل دمعه الفاطمه مدرار -- ياهو اللي سمحلك أنته وأصحابك يا أفعى وتبث أسموم أنيابك لبست أمن السقيفه الحقد جلبابك أنته وصحبتك روعتوا للاخيار --- الف لعنه عليكم واليتابعكم يانطفة حرام انتو ومراضعكم مو وصه النبي وسمعت مسامعكم أمير اينصبه اعليكم علي الكرار -- من يوم الغدير أحقاد مدفونه وبضلع الزجيه ايصير مضمونه هند أمكم عتب شيفيد ملعونه حطب انتو الجهنم تروي هالاخبار -- سيد عدنان الحمامي ------------------------------------------- 5 ------------- المستهل -- حزنها ايذوب اكلوب -- اشد من حزن يعكوب بس الباري يعلم -- ضلع منها تهشم --- ياعصرة الباب الهظمت الزهره -- ياجرح الليالي المابعد يبره ياخد الزجيه البيه اثر سطره -- شيجبره الضلع مكسور شيجبره دمع جرّح جفنها -- تشب جمرة حزنها مو ماي الدمع دم -- ضلع منها تهشم -- ظلت بالحزن تكضي لياليها -- وماغير الدمع هوه اليسليها يبجيها الوكت وسفه يبجيها -- هاذي بت محمد والاسى بيها جفنها ايسيل ميه -- اويلي عالزجيه عليها الحزن خيّم -- ضلع منها تهشم -- نبينه لامته بالزهره وصاها -- ياذيني الذي من بعدي آذاها كلها اتشوف جان ايبوس يمناها -- مسروره بوجود الباري عيناها لجن من راح ابوها -- غصص ويجرعوها مآسي اعليها تلتم -- ضلع منها تهشم -- هاي ام الحسن جنها اصبحت خطار -- مابين البواجي وبين ناس اشرار مابين الذي هتكوا حرمته الدار -- نار اتلاهبت ياهو اليطفي النار توّن ساعة العصره -- تصيح احاه يكسره ابجف اللي ميرحم ضلع منها تهشم -- ضلع ام الحسن وبلا جنايه انصاب -- جنين الطاح منها والمصاب امصاب لمن فاطمه لاذت وره ها الباب -- وجهت للصميده الونه بيها اعتاب تصيح امن الالم صوت -- تمنت فاطمه الموت النبي بكبره تالم -- ضلع منها تهشم --- وصت فاطمه لوغمضت اعيوني -- وبثوب العليه من تغسلوني ابظلام الليل ياحيدر تشيعوني -- وكبري اتضيعوه لمن تدفنوني اروح ابهظم عمري -- لبويه واشكي امري وجنيني اللي ميسلم -- ضلع منها تهشم -- سيد عدنان الحمامي --------------------- 6 -------------- المستهل ---------- جرح اليالي شگد كلف يابويه چف الكسر ضلعي صلف يابويه ضليت من حزن الحزن -- بصدري جرح منه اون جف الكسر ضلعي صلف يابويه ----------- يالهادي بس عينك غفت -- ضيعوا كل اتعابك تتآمر اعلينه بحقد -- يوم السقيفه اصحابك نكروني وآنه امودعه -- عدهم واك متهابك من صدري كسرولي ضلع -- من لذت آنه ابابك تعبك الامه اتضيعه يابويه مو عدهم آنه امودعه يابويه مايغمض العيني جفن -- -- بصدري جرح منه اون --------------- 2 بويه عفتني ومن رحت -- بين الحزن بين الهم بعيني النهار اظلم صبح -- من كثر ما أتألم ودمعة اعيوني امن القهر -- مو ماي نزلت من دم والاصعب اعليه واشد -- جور العده من خيّم بس عينك اعلينه غفت يابويه ميته ظمايرهم صفت يابويه الحالي فلا واحد يحن -- بصدري جرح منه أون ----------------- 3 حزن العيله مايصح -- مثله وابد ماينقاس دمعي وانيني والحزن -- صاروا اليه جلاس يالهادي والدار الوحي -- خلافك يبويه ينداس املاك چانت يالنبي -- بدارك تنطره حراس جبريل كبر بالسمه يابويه كسروا ضلعها الفاطمه يابويه ظلموني بويه وشتظن -- بصدري جرح منه اون ------------------- 4 والفني بويه هالدمع -- عني ابد لا ميميل تبچي اليالي الحالتي -- ون اعلى حالي جبريل هم العليه امن الظلم -- لو عالجبل چان ايزيل غصبوها مني نحلتي -- والظالم اعليه ايعيل من سطر عيني ابلا رحم يابويه ولاضلعي من عنده سلم يابويه وتجاسرت كل اللسن -- بصدري جرح منه اون ------------ 5 گلبي عله حسين وحسن -- والزينب اتلوب الروح زغار وعليهم لو غبت -- الجرحي يزيدون اجروح وزينب تظل للنايبه -- مابين دمعات ونوح چبد الحسن لوشافته -- وحسين بالطف مذبوح زينب تظل بس الدمع يابويه ينذبح حتى اليرتضع يابويه ليل الحزن لمن يجن -- بصدري جرح منه اون ------------------ 6 ودعت روحي ودنيتي -- وعن الاهل آنه امشيت اتلگاني بويه وبجرح -- صدري الك بويه جيت احچيلك بظيم الجره -- احچيلك شكثر ابچيت اولادي الهم من عفت -- اظلم صبح بويه البيت واسيني جيتك بالدمع يابويه مكسوره خاطر والضلع يابويه لاشفت راحه ولا أمن -- بصدري جرح منه اون ------------------ سيد عدنان الحمامي --------------------- 7 ------------ -- وديعه امودعه وضلعي تهشم -- ابدار احزان عشت الالم والهم -- أنه الزهره وسولف هظم جبدي -- وماغير الحزن ظل بعد عندي جمره من تهل عيني اعله خدي -- ومن كثر البجي دمعاتي من دم -- اهل دمعي وعليه الفرح مامر -- ومن كثر المحن قلبي تمرمر حسراتي الصخر منها تفسر -- مصايب والصبر منها تهدم -- تهدم ركن صبري وروعوني -- وآنه بت محمد مارعوني وديعه امودعه عدهم نسوني -- ونهاري امن النحيب بعيني اظلم -- اشكي الوالدي همي ومصابي -- وادري اياثر امن اعتب عتابي بجت بويه عليه حتى بابي -- وجنيني هم بعد بويه ميسلم -- كصت بيه اليالي ابسكم روحي -- وملائكة السمه ناحت النوحي جرح جرحين ماتنحصي اجروحي -- وعليه النايبات اشكثر تلتم -- صبر ايوب لا مو مثل صبري -- ولايعقوب دمعه مثلي يجري مآسي او بالمآسي انختم عمري -- ولمصابي نصب جبريل مأتم -- سيد عدنان الحمامي --------------------------- 8 ------------- المستهل ------- يالغايب امك رادت الثار -- يمته ثار الضلع والباب والنار -- يمته يايوم يوم الفرج يايوم -- يمته ------------------ ياعبير الثار يايوم النشمه ياعزيز او يرجع انحظنه ونظمه كل جرح بينه يجي ايشله ويلمه يطلب اول مايجي ابثارات امه السيف العداله اتگوم الارگاب -- تسجد للرب شكر آيات الكتاب -- تسجد بالبسمله اترتل المهظوم -- شفته --------------- الك ثارات اشكثر تطلب أميه وبني العباس وهند حتى سميه وثار سكنه امن انسبت هيه ورقيه والاشد ثارات يوم الغاضريه صدر الحسين ابيوم رضوه -- تدري اصبع بچفه من يگطعوه -- تدري ما اظن ليلك عله المظلوم -- نمته ----------------- لبني هاشم من تجي حاسب خصمهم اهلك بكل قطر يالمحجوب دمهم ماكو بس ثارك بعد هوه اليلمهم وسكّن ادموع البچتها الزهره امهم فاطمه اتريدك تحضر بسيف -- ثارك ومن الظلمها ياخذ الحيف -- ثارك غيرك منو السلبوها هالگوم -- عمته ------------- تنشد الزهره يغايب ماتجيها خفف اهموم الذي امخيمه عليها چم جرح چم نايبه چم فجعه بيها بس تجي تسمع يبو صالح بچيها لساعه امك فاطمه اتنوح -- تنحب آلام من الصدر وجروح -- تنحب غيظك بگلبك ليش مكظوم -- عفته ------------- كل موالي بلهفه لظهورك تنطر عالظلم لجلك يغايبنا تصبر بالعداوه الناصبي اعلينه تجبر رغم هذا ننتظر يايوم تحظر بمسجد السهله من تجي انشوف -- رايه اتصيب الخصم بالرهبه والخوف -- رايه الظالم لجل كل شخص محروم -- هنته ------------ هاكثر طول يبو صالح غيابك يمته ياغيث الصبر ويمر سحابك يمته ياباب الفرج ينفتح بابك ينتظر محسن وعبد الله الجنابك عبد الله عينه شاخصه اعليك -- انهظ ومحسن ابثاره اسمع يناديك -- انهض يراويني وينه الغايب ايگوم همته ------------- سيد عدنان الحمامي |
|
| الساعة الآن 10:01 PM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010