:: منتديات السيد عدنان الحمامي :: - الى كل من اراد بعراق الامام علي ع السوء؟؟اقول

المجنون في حبك علي..يسمونه عاقل مجنون
والعينه ماحبت علي..مايعتبر عنده اعيون
النفسه كبرت عالبشر..هم عل البشر ينعدون
ظلام اصحاب الشمر..بالناس بس يظلمون
مارعه الله والنبي..بس مال غش ويحوون
كل همه بطنه ولذته..والباقي خلهم يروحون
باعو الدين وي الوطن..ومدري بعد شيبيعون
بس الله يفزع والنبي..للشعب هذا المهيون
كبرت علينه الطاغيه..وكشر بنابه المسنون
اطفالي واطفال البلد..بالبيت همه يلعبون
ايخافون من تطلع شمس..للشارع وما يرحون
يخافون يطلع هالضبع..جوعان ومكشر اسنون
لو واحد من اهل الفتن..الطول لحيته بمليون
يلبس حزام ابن الزنه..واطفالي منه يخافون
يذبح ضحكهم واللعب..ولن ساعه بعد يموتون
كل كصده ايشوف النبي..وياكل وياه بماعون
ويدخل الجنه الواسعه..بدم الاطفال الملعون
ياابن الزنه يالناصبي.. خل مني كل يسمعون
اسيادك وعار الزمن..وشما علينه يفجرون
للمذهب افدي كل هلي..مهما تريد تذبحون
الصفحه لازم تنطوي..مايهمنه بينه اتسون
الهمنه وبهذا البلد..الراحو وي اليرحون
والجاي والبيه الامل..تخرب علينه من دون
ارد احجي للكل الحجي..والكل اريد يفهمون
الوطن مبيوك الوطن..كافي بعد شتبوكون
الوطن منهوب الثلث..والباقي متحمله ديون
تعرفون حوبت هالوطن..ظلت ورى اللي ينهبون
سلمنه فقره هالشعب..بيد الاجو واللي يجون
سمونه ولد الخايبه..وادخلنه احنه اسجون
وشفنه انواع الظلم..ونص الاكل ميشبعون
ركبو علينه من الكفه..وحسبالهم هم يبقون
البلد بيه كبة علي..وسبط النبي بيه مدفون
وراية الكافل حاضره..نرفعه لازم ونكون
البلد بيه هاي الزلم..ولابد يشك بيده الكون
والباغي لازم ينطرد..والاصل همه الباقون

خادن اهل البيت
ابو علي السعيدي