وفاة الكاظم ع -- لسان حال احد شهداء الجسر
 

... تجليبه ... ذكرى شهداء الجسر
.
لاتبچين يمه ابد معچ اتاثر

ضيف انه افرحي يم ابن جعفر

---------------

لاتبچين يمه ولا يهل دمعچ

ولاتطوين يمه امن الحزن ضلعچ

مو خاف الزجيه فاطمه اتسمعچ

شتگول او لبنها گطعوا المنحر
--------------

فرحيلي ييمه الزهره حضرتني

وانه اعله الجسر مطروح شافتني

بعبايتها شفتها اجت غطتني

اسمعتها اتگول انه الكل محب احضر
----------------

لاتبچين يمه والدمع مدرار

ادري موحش اليله عليچ الدار

أنه يم علي يمه اصبحت خطار

وحتى مااجاني للحد منكر
---------------

يمه باللحد من افتحت عيني

لن حسين يم راسي ويحاچيني

افرح يالمحب افرح ينا ديني

ابوجه النور والبرگع عليه اخضر
----------------

لا تبچين يمه بعد لا تبچين

وبثوب الحزن ماريدچ اتظلين

خاف امن البواچي بعد متشوفين

وگلبچ على اوليدچ خاف يتمرمر
--------------

يمه بالحزن للز هره واسيها

على حسين العزه ابدارچ وعزيها

تره لليوم ماگطعت بواچيها

تبچي اعله ا لحسين وصدره المكسر

-----
سيد عدنان الحمامي

طيب الله انفاسك مولاي

على القصيده الراائعه والمؤثره

تقبل مني المرور مع جل احترامي وتقديري