وفاة الكاظم -- وين الكاظم وبيه ياهو دلانه -- تجليبه
 

سلام عليكم

عظم الله اجوركم واجورنا بمصاب الاما موسى بن جعفر عليه السلام

--

--

--

وين الكاظم وبيه ياهو دلانه -- ابيا سجن انسجن مانعرف امچانه

--

ياهو البيه رحم والعنده خوف الله -- وياهو ملة الاسلام اله مله

يدلينه اعله سجنه انچان يندله -- يولا للسجن ينطينه عنوانه

--

ياهو اللي اجر من النبي رايد -- ويعمل خير ولله عالعمل شاهد

ياخذنه المچان الزاهد العابد -- بس لا بالحديد امقيده سجانه

--

ليش ابلا سبب ومغيبه هارون -- ولا اهله وعمامه ابحالته يدرون

وهاي اخمسطعش عام ابسجن مسجون -- مو حته الفرج قفلها بيبانه

--

ياباب الفرج يمته الفرج يايوم -- ليش ابلا جنايه ولاسبب مظلوم

من سجن السجن ويكابد ومهموم -- لو يحچي السجن چا ينطق السانه

--

ينطق هالسجن ويسولف العنده -- عالكاظم وظيمه وعن هظم چبده

لاجرم وذنب لا من شهد ضده -- ذنبه هالعباده ويتلي قرآنه

--

ساجد راكع ويتلي كتاب الله -- مو ثاير اوسيفه اعله المُلك سله

بني العباس صاروا عالبشر علّه -- واحدهم بغيض وباع ايمانه

--

سيد عدنان الحمامي

بِسْمِ اللّهِ الرَّحْمـَنِ الرَّحِيمِ
اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُمْ وسَهِّلْ مَخْرَجَهُمْ والعَنْ أعْدَاءَهُم
السَّلامُ عَلَيْكَ يَا نُورَ اللهِ فِي ظُلُماتِ الأرْضِ، السَّلامُ عَلَيْكَ يَا وَلِيَّ اللهِ، السَّلامُ عَلَيْكَ يَا حُجَّةَ اللهِ، السَّلامُ عَلَيْكَ يَا بَابَ اللهِ
السَّلامُ عَلَيكَ أيُّها الإِمامُ الصّالحُ، السَّلامُ عَلَيكَ أيُّها الإِمامُ الزّاهِدُ، السَّلامُ عَلَيكَ أيُّها الإِمامُ السَيِّدُ الرَّشيدُ، السَّلامُ عَلَيكَ أيُّها المقتولُ الشَّهيدُ، السَّلامُ عَلَيكَ يا ابنَ رَسولِ اللهِ وَابنَ وَصيِّهِ، السَّلامُ عَلَيكَ يا مَولايَ يا موسى بن جَعفرٍ وَرَحمَةُ اللهِ وَبَرَكاتُهُ


شاعرنا القدير بارك الله بكم و اجركم على سيدي ومولاي موسى الكاظم عليه السلام


رزقنا الله واياكم زيارته في الدنيا ونصرة ولده الحجة عجل الله فرجه للأخذ بثاره وثار اباءه واولاده عليهم السلام
و رزقنا الله واياكم شفاعته في الاخرة والسكن بجواره في جنان الخلد
آميـــن رب العالمين