|
وفاة الزهراء ع -- نعش امي يبويه للصبح خليه
نعش امي يبويه للصبح خليه
وين ابليل اضلم ياعلي اموديه ============= نعش امي يبويه خل يضل با الدار وباجر شيعه وكت الصبح لو صار بنت انه واخوتي مو بعدنه ازغار وحيل افراك كلبي ياعلي مابيه ======================== حيل افراك واحنه ازغار مابينه بس هاليل ويه امنه دخلينه خيمه الام عكبها من يبارينه لوشلت النعش بالضلمه وتواريه ====================== لتواريه يبويه رده لمجانه امنه وخل تضل بس هالمسه اويانه علي بويه المصاب امنين يلفانه بعمري لويصح عمر امي ولله اشريه =================== يبويه والحسن شوفه يهل دمعه يم امي انينه امن الكلب سمعه وهذا حسين طاوي امن الحزن ضلعه عدها اعزيز بلجن تكعد اتحاجيه ===================== بلجن تكعد وحال اخوتي اتنضره واحنه اعزاز بويه اعزاز للزهره عكب امي يبويه الكلب شيصبره وهذا الدار ماضن بعد ينطب ليه =================== دار الي خله امن الزهره موحش صار يبويه والفلك ريت الفلك يندار باجر لو نشد عن بضعته المختار شيكول وضلعها للنبي اتراويه ==================== اتراويه للنبي ضلع انكسر منها وتخبره وكع بالباب محسنها انشد امتك يالمصطفى عنها امه الواعدت هالوعد ماتوفيه ==================== ماوفت وعدها امتك مالت يالهادي اعل دارك صالت وجالت دمع ودموم من اوديعتك سالت وحال الزهره حتى للسمه ايبجيه -------------- سيد عدنان الحمامي |
شكرا سيد موظوع جميل بارك الله فيك
|
|
عظم الله اجورنا واجوركم
بمصاب مولاتي فاطمة الزهراء ع قصيدة غاية بالروعة سيدنا الجليل http://i452.photobucket.com/albums/q...6/e586df7d.gif |
نعش امي يبويه جدا رائعه
السلام عليكم ورحمته وبركاته سيد عدنان القصيدة جدا رائعه سلمت قريحتك تقبل مروروري وخالص تحياتي
الرباب |
| الساعة الآن 11:33 PM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010