|
وفاة الزهراء ع ---- صدك يم الحسن هليتي دمع العين
-- تجليبه
-- صدگ يم الحسن هليتي دمع العين من عندچ ضلع مكسور لو ضلعين --- صدگ تبچين ونتي المابچت عينچ ومن كثر الحزن الله الذي ايعينچ گالوا ينسمع يافاطمه أونينچ وليل انهار من كثر الهظم تبچين -- لاتبچين دمعچ غالي لتهليه وگلبچ بالالم يالزهره لتسليه لان لجلچ سمائه الخالق أمعليه وباري الكون يغضب لمن أتغضبين --- أشلون اتجاسرت چف القذر عالباب ومن صدرچ ضلع يم الحسن ينصاب هوه لوجرح يافاطمه چاطاب اجروح اهواي منهن ياجرح تشكين --- تشكين المصايب عگب سيد الكون يالزهره ومندري يامصيبه اتهون فگد المصطفى والحگچ ايغصبون لو محّد فزعلچ لمن اتنادين --- ناديتي علي عنچ علي وينه وشچان العذر مابينچ وبينه مو ضلع المهشم شافته عينه ويسمع چان من آلامچ اتونين -- ونيتي وگبل ماتغمض اعيونچ ابظلمة ليل وصّيتي يدفنونچ گبل الموت انتي منخطف لونچ المن زينب اتعيفيها والحسنين --- سيد عدنان الحمامي |
شكرا سيد
على الموظوع الرائع جميل جدا |
|
عظم الله اجورنا واجوركم
بأستشهاد مولاتي فاطمة الزهراء ع سيدنا الجليل http://7bna.com/up/uploads/196889b8e5.gif |
|
| الساعة الآن 01:20 AM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010