|
شلون من حل الوداع..وارفعت بويه الشراع؟لسان حال العليله اقول؟
شلون من حل الوداع..وارفعت بويه الشراع فاطمه انه العليله..حملي بويه من يشيله انت ياحلو الطباع فاطمه انه العليله.. بويه عدمن ودعتني بدار وحشه ولا خليل.. انت بويه من عفتني يوم حلت هالمسيه..بويه هم انته اذكرتني حالي ياحال الرزيه..ريت بويه ولاشفتني انت بن حامي دخيله..وحشه يابويه هالليله ابعدو عني السباع وحدي بويه من عفتني..شلون من جلجل الليل داركم ظلت خليه..وحملي يابويه ثجيل انت وصيت بوصيه..ومااظن عني تطيل حرمه ظلت وبنزلكم..انت ابن حامي الدخيل سفرتك يمكن طويله..والبعد ماليه حيله امركم عندي مطاع عيني تربي بويه الكم..وعالدرب عيني ربيه اهنا ياللي عفتني..بنوح والهم والااذيه ردت كون انه بضعنكم..لو تحل بيك المسيه خادمه افرش افراشك..وانه اسليلك رقيه اخدمك خدمه جليله..حتى لو انه عليله اليوم احسن بالضياع يااشد موقف عليه..صار عندي ومانسيته يوم من اظلمت دارك..وردت شخصك مالكيته صحت بس الصدى ردلي..وياظلع مني حنيته جان كل همي يبويه..عمري بجاهك كظيته ترده عني اللي يعيل..بجاهك وجاه الكفيل وعني ادافع دفاع يوم من غرب ضعنكم..وابعدت يابويه عني هاجت عليه ضنوني..عيوني بس هنه السلني وظلمة الليل وحشته..وكثر حسبات اللفني اعاين بدار الاحبه..ولاطلع من شفتي سني بس اعاين عالجليل..وبالنظر اصفن واطيل وعيني تجول البقاع ارتضيت الوحده بويه..وايقنت انه البقاء من شفت حمل ضعنهم..واركبت كل النساء ارجعت مكسوره خاطر..يوم من حل المساء واشكرت ربي لحكمته.. وارفعت أيد الدعاء واعرفت انه الحصيله..عيشتي ابقى عليله وانتظر يوم الوداع خادم اهل البيت ابو علي السعيدي |
ربي ايبارك في جهودكم احسنتم كثيرا اسئل الله ان يجعلنا واياكم من الحافظين لكتابه ان شاء الله عظم الله اجوركم واجورنا بمصاب ابي عبد الله الحسين ع |
طيب الله انفاسك الحسينية
ابو علي السعيدي http://www.al-wed.com/pic-vb/21.gif لكم منا دعاء بالعافيه والتوفيق ان شاء الله |
الاخ الشاعر الحسني الكبير
السيد عدنان الحمامي المحترم مروركم الكريم والاطراء الجميل اسعدني وشكرا لكم لتلبة الطلب وشكرا للاخت ام احمد للجهود الرائعه تحيات اخوكم ابو علي السعيدي |
بارك الله فيكم جميعاً.... وأسال الله عز وجل ان يحفظكم ... |
الاخ الفاضل
الشاعر الحسيني الكبير السيد عدنان الحمامي المحترم قلمكم الموالي المتابعه لمن يسر في ركب الحسين ع جزام الله اجر فعاله من المحسنين وتقبل الله منكم الاعمال في ميزان الحسنات وادعو من الله ان يجعلكم من المطالبين بثار الامام الحسين ع جعلنا الله وياكم من الحافظين والذائبين والمطالبين في دم سيد الشهداء ع مع تحيات اخوكم ابو علي السعيدي |
| الساعة الآن 10:23 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010