:: منتديات السيد عدنان الحمامي :: - بدا الحُزن يدنو العاشقينا---ملمع

المستهل
---
بدا الحُزن يدنو العاشقينا
يقصد كربلا ينعى الحسينا
......
يُحاكي دمعنا ***محرم جائنا
النص
-----
1-
تغيَر لون دنيتنه ابسواد الهم
والطف ينبض اويانه ابعروك الدم
ابجوارح كل موالي العاشر اترسَم
تجمعنه المصيبة ابكربلا اونلتم
,,,,,,
آلهي ليتنا كنا مع الشُهداء
نفوزُ أعظم الفوز مع السُعداء
"""
جرت عبراتنا***مُحرم جائنا
2-
كل بقعة بأرض هالكون حزنانه
اوكل دمعة التهل بالعين حيرانه
ربت هالعادة هذي ابفطرة ويانه
ألك يحسين حسرة ابألم ولهانه
,,,,,,
خُطانا تحمل العبرات للطف ِ
مشاعلنا بنار الحزن لاتُطف ِ
"""
نُعيد رثائنا***محرم جائنا
3-
شهر الاحزان لفت وياه مأسينا
مثل جمرة خيام الطف تشب بينا
عشاك احنه ألك يحسين تدرينا
اوطريقك سيدي امنالصغر ماشينا
,,,,,,
نهتفُ ياشهيد الله اتيناكَ
ياأبن الطُهر قبلتنا جعلناكَ
"""
نُباهل خصمنا***محرم جائنا
4-
شكد منعونه نكصدلك يبن حيدر
لحد هاليوم ماكدرو طغاة الشر
ابد والله ماننساك يبو الآكبر
الك عُشاك وتربتك بيهه نتعطر
,,,,,,
عهداً حبنا باقي الى الآزل ِ
أليك سيدي ياوارث الرسل ِ
"""
تغلي دمائنا***محرم جائنا
5-
على العاده العرفناهه ابمضي الآزمان
مراسيم التعازي النه اصبحت عنوان
جروح الغافية تصحى ابشهر الآحزان
عشكَنه حسين شنهو الموت للعشكَان
,,,,,,
لبيك ياحسين دام شعارنا
للموت ماننساك يأبن آميرنا
"""
نطالب ثأرنا***محرم جائنا
----------------------------
نسألكم الدعاء
خادم أهل البيت(ع)
زاهر المعموري الحلي